09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Հայտնի է՝ ինչ են քննարկել Լավրովն ու Ֆիդանը Լաոսում տեղի ունեցած հանդիպմանը
Քաղաքականություն
26.07.2024 | 19:58
Թուրքիայի արտգործնախարար Հաքան Ֆիդանը Լաոսի մայրաքաղաք Վիենտյանում հանդիպել է իր ռուս գործընկեր Սերգեյ Լավրովի հետ։ Թուրքական լրատվամիջոցները, Թուրքիայի ԱԳՆ դիվանագիտական աղբյուրները վկայակոչելով, հայտնում են, որ կողմերը քննարկել են երկկողմ հարաբերությունների իրավիճակը, տնտեսական հարցեր և էներգետիկայի ոլորտում համագործակցությունը։
Մտքերի փոխանակում է տեղի ունեցել նաև Ուկրաինայի հակամարտության, Գազայի հատվածի զարգացումների, Սիրիայում տիրող իրավիճակի և տարածաշրջանային այլ հարցերի շուրջ։
Հաքան Ֆիդանը ժամանել է Լաոս՝ մասնակցելու ոլորտային երկխոսության Թուրքիա-ASEAN (Հարավարևելյան Ասիայի պետությունների ասոցիացիա) եռակողմ գործընկերության հանդիպմանը, որը կազմակերպվել է ASEAN-ի 57-րդ համաժողովի շրջանակներում։ Նախատեսված են նրա հանդիպումները մի շարք երկրների ԱԳ նախարարների հետ։
ՌԴ ԱԳՆ հաղորդմամբ էլ ՝ Լավրովն ու Ֆիդանը քննարկել են բարձր և ամենաբարձր մակարդակներով առաջիկա շփումների ժամանակացույցը։
