11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Հարիսը հայտարարել է, որ չի լռի «Գազայում տառապանքների մասին»
Քաղաքականություն
26.07.2024 | 23:30
ԱՄՆ փոխնախագահ Քամալա Հարիսը հայտարարել է, որ «անկեղծ և կառուցողական հանդիպում» է ունեցել Իսրայելի վարչապետ Բենիամին Նեթանյահուի հետ։ Նա ժամանել էր Վաշինգտոն՝ ելույթ ունենալու Կոնգրեսում և նախագահ Ջո Բայդենի հետ քննարկելու Գազայի հատվածում հրադադարի մասին նոր համաձայնագրի մանրամասները, հայտնում է AP-ն։
Բացի Բայդենից, Նեթանյահուն զրուցել է նաև Հարիսի հետ, որն, ամենայն հավանականությամբ, կմասնակցի նախագահական ընտրություններին։ Հանդիպումից հետո Հարիսն ասել է, որ Իսրայելի պատերազմը ՀԱՄԱՍ-ի հետ բարդ է, և «շատ հաճախ խոսակցությունը երկակի բնույթ է կրում, երբ իրականությունն այլ բան է»:
Հարիսն ասել է, որ ինքը պաշտպանում է Իսրայելի՝ իրեն պաշտպանելու իրավունքը, բայց նաև խոսում է Գազայի խաղաղ բնակիչների շրջանում լայնածավալ տառապանքների մասին, քանի որ մարտերը շարունակվում են:
«Մենք չենք կարող աչք փակել այդ տառապանքների դիմաց։ Մենք չենք կարող մեզ թույլ տալ, որ թմրենք տառապանքից: Եվ ես չեմ լռելու»,- ասել է նա։
