01.11.2024 | 18:26
Թուրքիան ՌԴ-ից ներկրվող բնական գազի համար հատուկ գին է ցանկանում ստանալ
Կիրանցում ականի պայթունից վնասվել է տրակտորիստի վիզը. մանրամասներ դեպքից
Հասարակություն
24.07.2024 | 21:14
Այսօր Տավուշի մարզի Կիրանց գյուղում սահմանային աշխատանքներ կատարելու ժամանակ ականի վրա տրակտոր է պայթել, վարորդը վնասվածքներ է ստացել: Տեղեկությունը Factor.am-ին հայտնեց գյուղի բնակիչներից մեկը։
Factor.am-ի զրուցակցի փոխանցմամբ` պայթյունից տրակտորի կոտրված ապակիներից վնասվել է վարորդի պարանոցը։
Նա մոտ 35 տարեկան տղամարդ է, Կիրանց գյուղի բնակիչ։
Տեղեկացանք, որ հակատանկային ական է պայթել` հայ-ադրբեջանական սահմանին տեղադրվող փշալարերի հետ տարվող աշխատանքի ժամանակ։ Factor.am-ին հայտնեցին, որ տրակտորն ամբողջությամբ վնասվել է։
Ինքը` տուժած տրակտորիստը, Factor TV-ի հետ զրույցում ասաց, որ լավ է` հրաժարվելով այլ հարցերի պատասխանել։ Կիրանցեցիները ասում են` հրաշքով է փրկվել։
Նշենք, որ տրակտորիստն աշխատանքներն իրականացրել է սահմանապահների վերահսկողությամբ։
Նարեկ Կիրակոսյան
