11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԿԺԴՀ-ից բաց թողնված աղբով լցված օդապարիկն ընկել է Հարավային Կորեայի նախագահի գրասենյակի տարածքում
Քաղաքականություն
24.07.2024 | 14:53
ԿԺԴՀ-ից բաց թողնված օդապարիկը վայրէջք է կատարել Հարավային Կորեայի նախագահի գրասենյակի տարածքում, փոխանցում է DW-ի ռուսական ծառայությունը: Նախագահի անվտանգության ծառայությունն ուսումնասիրել է օդապարիկի պարունակությունը և հայտարարել, որ այն քիմիական, կենսաբանական կամ ճառագայթային վտանգ չի ներկայացնում։ Գերատեսչությունը հավելել է, որ Հարավային Կորեայի զինված ուժերի միացյալ շտաբի պետերի հետ համատեղ շարունակում է վերահսկել իրավիճակը։
Հարավային Կորեայի զինվորականները հուլիսի 21-ին նախազգուշացրել էին, որ Հյուսիսային Կորեան կրկին աղբով լցված օդապարիկներ է արձակել սահմանից այն կողմ: Ինչպես նախորդ դեպքերում, իշխանությունները բնակիչներին կոչ է արել չդիպչել ընկած առարկաներին և այդ մասին հայտնել իրավապահներին կամ զինվորականներին:
Ավելի վաղ Սեուլը վերսկսել էր Հյուսիսային Կորեայի հետ սահմանին բարձրախոսներով հեռարձակումը՝ ներկայացնելով միջազգային նորություններ, տեղեկատվություն ժողովրդավարության և կապիտալիզմի մասին, ինչպես նաև՝ K-pop երաժշտություն։ Հարավկորեական կողմի այս քայլն արձագանք է Փհենյանի՝ օդապարիկներով գործողությունների։
