01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Իսրայելական տանկերը մտել են Գազայի հատվածի հարավում գտնվող Խան Յունիս
Քաղաքականություն
24.07.2024 | 12:29
Տասնյակ հազարավոր պաղեստինցիներ լքել են իրենց տները այն բանից հետո երբ Գազայի հատվածի հարավում գտնվող Խան Յունիս արևելյան թաղամասում իսրայելական տանկեր են հայտնվել, հաղորդում է VOA-ն։
Իսրայելացի զինվորականները նշել են, որ հարձակման նպատակը ՀԱՄԱՍ-ի զինյալների վերախմբավորումը և նոր հարձակումները կանխելն է: Գազայի առողջապահության նախարարության տվյալներով՝ երկուշաբթի օրվանից ի վեր իսրայելական հարվածների հետևանքով զոհվել է առնվազն 80 պաղեստինցի, իսկ շուրջ տասը ամիս շարունակվող ռազմական գործողությունների ընթացքում զոհերի ընդհանուր թիվը հասել է ավելի քան 39,000-ի: ՀԱՄԱՍ-ի կողմից վերահսկվող գերատեսչության կողմից հրապարակված տեղեկատվության անկախ հաստատում չկա։
Միևնույն օրը իսրայելական ռազմական ինքնաթիռները գերձայնային արագությամբ թռիչքներ են իրականացրել Բեյրութի ու Լիբանանի այլ շրջաններում, ինչն ավելի լայնածավալ բախումների մտավախություն է առաջացնում:
Այս զարգացումները տեղի են ունենում Իսրայելի վարչապետ Բենիամին Նեթանյահուի՝ Վաշինգտոն այցին զուգահեռ։ Այցի ընթացքում Նեթանյահուն լավատեսություն է հայտնել ՀԱՄԱՍ-ի պատանդներին ազատ արձակելու հնարավոր համաձայնության վերաբերյալ:
