09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
Ֆրանսիայում ձերբակալել են ռուս տղամարդու՝ Օլիմպիական խաղերի ժամանակ «ապակայունացման» գործողություններ նախապատրաստելու կասկածանքով
Քաղաքականություն
24.07.2024 | 13:10
Ֆրանսիայի ոստիկանությունը երեքշաբթի օրը ձերբակալել է ռուս տղամարդու, որը կասկածվում է Փարիզի Օլիմպիական խաղերի ժամանակ «ապակայունացման» գործողություններ նախապատրաստելու մեջ։ Այս մասին գրում է Frnace 24-ը։
1984 թվականին ծնված տղամարդը ձերբակալվել է «Օլիմպիական խաղերի ընթացքում ապակայունացման պատճառ հանդիսացող իրադարձություններ կազմակերպելու» կասկածանքով։ Այս մասին AFP-ին հայտնել է դատախազության աղբյուրը, որը ցանկացել է անհայտ մնալ։ Աղբյուրը նշել է, որ հետաքննություն է սկսվել «Ֆրանսիայում ռազմական գործողություններ հրահրելու նպատակով օտարերկրյա տերությանը հետախուզական տեղեկատվություն փոխանցելու համար»՝ հավելելով, որ հանցագործությունը պատժվում է մինչև 30 տարվա ազատազրկմամբ։
Դատախազները նշել են, որ տղամարդու տուն այցելել են ներքին գործերի նախարարության դիմումով և հայտնաբերել են կասկածանքը հաստատող ապացույցներ: Նրանք գործի վերաբերյալ այլ մանամասն չեն հայտնել, բացառությամբ այն, որ ծրագիրն ահաբեկչական բնույթ չի կրել։
Ֆրանսիայի ներքին գործերի նախարար Ժերալդ Դարմանինը հայտարարել է, որ իշխանությունները օլիմպիական մրցավայրերի մոտ ստուգել են ավելի քան մեկ միլիոն մարդու, այդ թվում՝ մարզիկների, մարզիչների, լրագրողների, կամավորների, անվտանգության աշխատակիցների և նույնիսկ՝ տեղի բնակիչների: Նրանցից 4360-ին արգելվել է մուտք գործել խաղերին, 880 մարդու՝ օտարերկրյա միջամտության կասկածանքով:
