24.02.2026 | 21:33
Նախարարը ՆԳՆ ոստիկանության ղեկավար կազմում փոփոխություններ է կատարում
«Կտամ չանեդ կընկնի վրիցդ». միջադեպ հասարակական տրանսպորտում, վարորդը կազատվի աշխատանքից
Հասարակություն
19.07.2024 | 13:42
Aravot.am-ը տեսանյութ է հրապարակել, որտեղ 3 համարի երթուղին սպասարկող ավտոբուսի վարորդը ջրի շիշը նետում է ուղևորի վրա, որն այդ պահին հեռախոսով նկարահանում էր և դժգոհում տվյալ ավտոբուսի աշխատանքից:
Ըստ տեսանյութի` վարորդին դուր չի գալիս այն, որ ուղևորը նկարահանում է իրեն: Նկարահանմանը զուգահեռ ուղևորը մեկնաբանում է, թե ինչ է կատարվում ավտոբուսում, որից հետո վարորդը, գնալով դեպի ուղևորի կողմ, ասում է. «Հլը արի դուրս բան եմ ասում, իջի հլը, արա´, նկարիչ ես, արա´, կտամ չանեդ կընկնի վրիցդ»։
Երևանի քաղաքապետի մամուլի խոսնակ Հայկ Կոստանյանը Factor.am-ի հարցին ի պատասխան ասաց, որ տվյալ վարորդը կազատվի աշխատանքից: Նա «Երևանի ավտոբուս» ՓԲԸ-ում աշխատում է 1.5 տարի:
Արփի Հակոբյան
