23.02.2026 | 13:46
Ինչ վիրուսներ են շրջանառվում Հայաստանում
Մակրոնի կողմից աջակցվող թեկնածուն վերընտրվել է Ֆրանսիայի ԱԺ նախագահի պաշտոնում
Քաղաքականություն
19.07.2024 | 13:27
Ֆրանսիայի Ազգային ժողովը նախագահ է վերընտրել երկրի նախագահ Էմանուել Մակրոնի կուսակցին, գրում է Le Monde-ը։
53-ամյա խոսնակ Յաել Բրուն-Պիվեն 2022 թվականից զբաղեցնում էր Ազգային ժողովի նախագահի պաշտոնը և պահպանել է այն նախօրեին խորհրդարանի Ստորին պալատում քվեարկության երեք փուլից հետո:
Երրորդ փուլում 220 ձայնով Յաել Բրուն-Պիվեն անակնկալ քայլով հաղթել է ձախակողմյան թեկնածու Անդրե Շասենյին, որը հավաքել է 207 ձայն և Սեբաստիան Չենյուին, որը ներկայացնում է ծայրահեղ աջերին ու հավաքել է 141 ձայն։ Նա աջակցություն է ստացել Մակրոնի կենտրոնամետ դաշնակիցներից և որոշ պահպանողական օրենսդիրներից, որոնք փորձել են խոչընդոտել ձախակողմյան մրցակցին հաղթել այդ պաշտոնում:
Մակրոնն արագ շնորհավորել է Բրուն-Պիվեին։ «Բոլորը, որոնք ճանաչում են Ձեզ, գիտեն, որ Դուք կապահովեք, որ բազմակարծությունը հարգվի», – գրել է նա X-ի իր միկրոբլոգում։
