23.06.2026 | 20:00
Սա ամենաապացուցված ընտրակեղծիքն է՝ ՍԴ-ն պետք է հաշվի նստի, ԿԸՀ-ի պես մատների արանքով չնայի․ Վարազդատ Հարությունյան․ ՏԵՍԱՆՅՈՒԹ
Հյուսիսային Կորեան կրկին աղբով լցված փուչիկներ է ուղարկել Հարավային Կորեայի տարածք
Քաղաքականություն
18.07.2024 | 21:21
ԿԺԴՀ-ն կրկին Հարավային Կորեայի տարածք է ուղարկել աղբով լցված փուչիկներ։ Այս մասին հայտնում է Yonhap գործակալությունը՝ Հանրապետության շտաբների ղեկավարների կոմիտեին հղումով։
Ըստ այդ տեղեկությունների՝ փուչիկները կարող են շարժվել դեպի Սեուլը շրջապատող երկրի ամենաբազմամարդ գավառի՝ Գյոնգիի հյուսիսային հատված։
Գործակալության գնահատականներով՝ մայիսի վերջից ԿԺԴՀ իշխանություններն արդեն աղբով ավելի քան 2 հազար հսկայական փուչիկներ են ուղարկել հարավային հարևանի տարածք՝ ի նշան Հարավային Կորեայի տարածքից ակտիվիստների կողմից ուղարկված քարոզչական թերթիկների տարածման դեմ բողոքի։
Հունիսի 24-ից Փհենյանը երեք օր անընդմեջ փուչիկներ էր արձակել․ առաջին օրն ուղարկվել էր մոտ 350 փուչիկ, իսկ հունիսի 25-ին՝ 250: Հունիսի 26-ին էլ Հարավային Կորեայի Ինչոն միջազգային օդանավակայանն այս պատճառով ստիպված է եղել չեղարկել կամ հետաձգել մի շարք թռիչքներ։
