07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Գերմանիան կարող է կրկնակի կրճատել Ուկրաինային հատկացվող օգնությունը 2025թ․ բյուջեի դեֆիցիտի պատճառով. Reuters
Քաղաքականություն
17.07.2024 | 15:43
Գերմանիայի բյուջեի դեֆիցիտը 2025 թվականին կարող է հանգեցնել Ուկրաինային տրամադրվող ռազմական օգնության կրկնակի կրճատման՝ 2024 թվականի 8 միլիարդ եվրոյից մինչև 4 միլիարդի։ Այս մասին հայտնում է Reuters-ը, որը ծանոթացել է բյուջեի նախագծին։
Փաստաթղթից հետևում է, որ բյուջեի դեֆիցիտը 2025 թվականին կարող է հասնել 17 միլիարդ եվրոյի։
Տարեկան բյուջեն կազմվում է՝ հաշվի առնելով միջնաժամկետ ֆինանսական պլանավորումը մինչև 2028 թվականը, երբ պետք է ավարտվի զինված ուժերի արդիականացման և ՆԱՏՕ-ի պաշտպանական ծախսերի՝ ազգային ՀՆԱ-ի 2%-ի մակարդակին հասնելու հատուկ զինված ուժերի հիմնադրամի ծրագիրը, հիշեցնում է գործակալությունը։ Այս հիմնադրամը ստեղծվել է Ուկրաինա Ռուսաստանի լայնամասշտաբ ներխուժման մեկնարկից անմիջապես հետո, հիմնադրամի միջոցների ծավալը կազմում է 100 միլիարդ եվրո։
Ուկրաինա ռուսական ներխուժումից ի վեր Գերմանիան դարձել է Կիևի կարևորագույն գործընկերներից մեկը՝ նրան տրամադրելով տարբեր տեսակի զենքեր, այդ թվում՝ «Տավրուս» հրթիռներ, տանկեր, հրետանի և հակաօդային պաշտպանության համակարգեր
