23.06.2026 | 04:51
ԱԱ-2026. Մբապեի դուբլն ու Ֆրանսիայի վստահ հաղթանակը. ՏԵՍԱՆՅՈՒԹ
ԱՄՆ-ը դադարեցրել է օգնությունը Վրաստանին՝ «օտարերկրյա գործակալների» մասին օրենքի պատճառով
Քաղաքականություն
13.07.2024 | 19:19
Միացյալ Նահանգները, Noble Partner 2024 զորավարժությունների անժամկետ հետաձգումից հետո, սառեցրել է Վրաստանին տրամադրվող օգնությունը։ Այս մասին հուլիսի 12-ին Վրաստան կատարած այցից հետո հայտարարել է ԱՄՆ պետքարտուղարի քաղաքացիական անվտանգության, ժողովրդավարության և մարդու իրավունքների հարցերով տեղակալ Ուզրա Զեյան։ Այս մասին գրում է DW-ն։
Այս որոշման պատճառը Վրաստանում «օտարերկրյա գործակալների մասին» օրենքի ընդունումն էր։ «Այս օրենքի արդյունքում Միացյալ Նահանգները սառեցրել է օգնությունը Վրաստանին, և Եվրամիությանն ինտեգրումը նույնպես տեղի չի ունենում»,- ասել է Զեյան՝ չհստակեցնելով, թե ինչ օգնության մասին է խոսքը։
«Կարծում եմ, որ մենք կարող ենք միայն եզրակացնել, որ Վրաստանի ներկայիս ուղին անհամատեղելի է ժողովրդավարական արժեքների հետ և վտանգում է Վրաստանի ուղին դեպի եվրաատլանտյան ինտեգրում»,- ասել է Զեյան։
