01.11.2024 | 23:19
Հրդեհ Գյումրու տներից մեկում
Ուկրաինան անվտանգության միասնական համաձայնագիր է ստորագրել 24 երկրների հետ
Քաղաքականություն
12.07.2024 | 18:04
ՆԱՏՕ-ի գագաթնաժողովի շրջանակում նախօրեին Ուկրաինան անվտանգության բազմակողմ փաստաթուղթ է ստորագրել դաշինքի անդամ 22 երկրների, ինչպես նաև Ճապոնիայի և ԵՄ-ի հետ, հաղորդում է «Европейская правда»-ն։
Վաշինգտոնում ՆԱՏՕ-ի գագաթնաժողովում տեղի է ունեցել Ուկրաինայի հետ անվտանգության համաձայնագրեր ստորագրած պետությունների ղեկավարների հանդիպումը։ Նշվում է, որ հանդիպումից հետո Ուկրաինայի ԱՄՆ-ի, ՆԱՏՕ-ի անդամ 21 այլ երկրների, ինչպես նաև ԵՄ-ի և Ճապոնիայի ղեկավարները ստորագրել են «Ուկրաինայի պայմանագիրը» (Ukraine Compact)՝ բազմակողմ փաստաթուղթ, որը պարունակում է Ուկրաինային աջակցելու պարտավորություններ:
Փաստաթուղթը նպատակ ունի «արագացնել կոլեկտիվ ջանքերը՝ Ուկրաինայի համապարփակ անվտանգության կարիքները բավարարելու համար»:
Ստորագրող պետությունները պարտավորվում են կատարել երկկողմ անվտանգության պայմանագրերով ստանձնած իրենց պարտավորությունները։ Մասնավորապես, աջակցել Ուկրաինայի պաշտպանության և անվտանգության հրատապ կարիքներին, այդ թվում՝ շարունակելով տրամադրել անվտանգության և ուսուցման աջակցություն, ժամանակակից ռազմական տեխնիկա և պաշտպանական արդյունաբերություն, արագացնել ջանքերը ապագա Ուկրաինայի զինված ուժերի զարգացման համար, բացի այդ, ընթացիկ ռազմական գործողությունների ավարտից հետո Ուկրաինայի վրա Ռուսաստանի կողմից ապագա զինված հարձակման դեպքում արագ և հավաքականորեն հավաքվել ամենաբարձր մակարդակով Ուկրաինային աջակցելու համար համապատասխան հաջորդ քայլերը որոշելու նատակով, ներառյալ՝ արագ և կայուն անվտանգության աջակցության տրամադրումը և տնտեսական ու այլ պատժամիջոցների կիրառումը ՌԴ-ի նկատմամբ։
Պայմանագիրը բաց է այլ պետությունների միանալու համար և գործելու է ԵՄ-ին ու ՆԱՏՕ-ին միանալու՝ Ուկրաինայի առաջընթացին զուգահեռ:
