09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
Ադրբեջանում Սումգայիթի գործարանում զանգվածային թունավորում է տեղի ունեցել
Քաղաքականություն
11.07.2024 | 16:19
Ադրբեջանի Սումգայիթ քաղաքի գործարանում նախօրեին զանգվածային թունավորում է տեղի ունեցել, տուժել է գործարարանի 53 աշխատող, հայտնում են ադրբեջանական լրատվամիջոցները։
Սումգայիթի քաղաքային հիվանդանոցից հայտնել են, որ տեղական ժամանակով մոտ 17:10-ից սկսել են տուժածներին ընդունել։ Սկզբում 10 մարդ է դիմել բժշկի՝ սննդային թունավորման ախտանիշներով, հետո աստիճանաբար բուժօգնության դիմածների թիվը հասել է 53-ի (48 տղամարդ և 5 կին):
Սումգայիթ քաղաքի դատախազությունը քրեական գործ է հարուցել զանգվածային թունավորման դեպքի առթիվ։ Նախնական տվյալներով՝ թունավորման պատճառ է դարձել գործարանի ճաշարանում օգտագործված սննունդը։
