09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
ՆԱՏՕ-ի գագաթնաժողովից հետո Օրբանը հանդիպելու է Թրամփին․ Bloomberg
Քաղաքականություն
11.07.2024 | 14:21
ԱՄՆ նախկին նախագահ Դոնալդ Թրամփը հինգշաբթի Ֆլորիդայում կհանդիպի Հունգարիայի վարչապետ Վիկտոր Օրբանի հետ՝ Մոսկվայում ՌԴ նախագահ Վլադիմիր Պուտինի հետ նրա հանդիպումից մեկ շաբաթ չանցած։ Այս մասին հայտնում է Bloomberg-ը՝ հղում անելով իր աղբյուրներին, փոխանցում է BBC-ի ռուսական ծառայությունը։
Լրատվամիջոցը գրում է, որ այցը, հավանաբար, կուժեղացնի մտավախությունները, որ Հունգարիայի առաջնորդը հանդես է գալիս որպես միջնորդ Պուտինի և Թրամփի միջև: Հաղորդվում է, որ հանդիպումը տեղի է ունենալու Թրամփի Մար-ա-Լագոյի կալվածքում, Վաշինգտոնում ՆԱՏՕ-ի գագաթնաժողովից հետո։
Անցյալ շաբաթ Օրբանը Կիևում հանդիպել էր Ուկրաինայի նախագահ Վլադիմիր Զելենսկիի, Մոսկվայում՝ ՌԴ նախագահ Վլադիմիր Պուտինի և Պեկինում՝ Չինաստանի առաջնորդ Սի Ցզինպինի հետ՝ իր այցերն անվանելով «խաղաղության առաքելություն»։
Լրատվամիջոցի զրուցակիցը Թրամփի և Օրբանի սպասվող հանդիպումը ոչ պաշտոնական է անվանել։
