25.06.2026 | 18:33
ՄԻՊ-ը հանդիպել է Անդրանիկ Թևանյանի իրավունքներին առնչվող հարցեր բարձրաձայնող անձանց
Զելենսկին ԱՄՆ-ին կոչ է արել թույլ տալ հարվածել ՌԴ-ի խորքում ավիացիային
Քաղաքականություն
10.07.2024 | 15:20
Ուկրաինայի նախագահ Վլադիմիր Զելենսկին կոչ է արել ամերիկացի դաշնակիցներին վերացնել բոլոր սահմանափակումները Ռուսաստանի տարածքում հարվածների, մասնավորապես, ռուսական ավիացիայի հետ կապված, որը թույլ կտա պաշտպանել ուկրաինական քաղաքները կառավարվող օդային ռումբերի հարձակումներից: Այս մասին նա հայտարարել է Վաշինգտոնի Ռոնալդ Ռեյգանի ինստիտուտում ունեցած ելույթի ժամանակ։
Նա հիշեցրել է, որ Խարկովի մարզում ռուսների հարձակումը դադարեցվել է սահմանի երկայնքով ռուսական թիրախներին հարվածելու՝ ԱՄՆ-ի թույլտվության շնորհիվ։
«Ռուսական այս հարձակումը ձախողվել է, և մենք ռուսական բանակը հետ ենք մղում Խարկովի մերձակա տարածքներից: Մենք նաև ոչնչացրել ենք ռուսական հրթիռային կայանքները, որոնք ամեն օր խոցում են Խարկովն ավելի քան երկու տարի, և դա Խարկովը պաշտպանում է հրթիռային հարձակումներից»,- ասել է նա։
Զելենսկիի խոսքով՝ եթե Միացյալ Նահանգները հանի բոլոր սահմանափակումները՝ թույլ տալով Ուկրաինայի զինված ուժերին խոցել ինքնաթիռները Ռուսաստանի ներսում, դա կօգնի Ուկրաինային պաշտպանել մյուս քաղաքները։ Նման թույլտվության պարագայում, ըստ նրա, Ուկրաինան կարողանա «էապես սահմանափակել ռուսական գործունեությունը հարավում և դուրս մղել ռուսներին»։
