23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Ստոլտենբերգը հայտարարել է, որ Ուկրաինայում ՌԴ-ի հաղթանակը ՆԱՏՕ-ի համար գլխավոր ռիսկն է
Քաղաքականություն
10.07.2024 | 13:52
ՆԱՏՕ-ի գլխավոր քարտուղար Յենս Ստոլտենբերգը Հյուսիսատլանտյան դաշինքի երկրներին կոչ է արել ավելի ակտիվորեն աջակցել Ուկրաինային, որը պաշտպանում է իրեն ռուսական ագրեսիայից, գրում է DW-ի ռուսական ծառայությունը։
«Այս պատերազմի արդյունքը կորոշի գլոբալ անվտանգության համակարգը տասնամյակների ընթացքում»,- ասել է նա Վաշինգտոնում ՆԱՏՕ-ի գագաթնաժողովի բացման ժամանակ ունեցած ելույթում։
Նա նշել է, որ «ագրեսիվ Ռուսաստանի հետ որպես հարևան» տարբերակներ չկան՝ «առանց կորուստների և ռիսկերի»։
«Ամենամեծ արժեքը և ամենամեծ ռիսկը կլինի Ռուսաստանի հաղթանակն Ուկրաինայում։ Մենք չենք կարող դա թույլ տալ»,- ասել է ՆԱՏՕ-ի գլխավոր քարտուղարը։
Ըստ Ստոլտենբերգի՝ պատերազմում Ռուսաստանի հաղթանակը քաջություն կհաղորդի նախագահ Վլադիմիր Պուտինին, ինչպես նաև Իրանի, Հյուսիսային Կորեայի և Չինաստանի մյուս ավտորիտար առաջնորդներին:
«Եկել է ազատությունն ու ժողովրդավարությունը պաշտպանելու ժամանակը»,- ընդգծել է Ստոլտենբերգը։
Նա հանդես է եկել ՆԱՏՕ-ում նոր երկրների շարունակական ընդունման օգտին՝ Ուկրաինայի օրինակով: ՆԱՏՕ-ի գլխավոր քարտուղարի խոսքով՝ Սառը պատերազմի ավարտից հետո դաշինքի ընդլայնումը միավորել է Եվրոպան, ճանապարհ հարթել ինտեգրման համար և խաղաղություն ու բարգավաճում բերել մայրցամաքին։ Նա հայտարարել է, որ ինչպես այն ժամանակ, այնպես էլ այսօր պետք է դրսևորել «հստակություն և վճռականություն»։
