Ագրարային մասնագիտությունները պետության համար գերակա են. Ժաննա Անդրեասյան

Լուրեր

20.11.2026 | 16:06
Մինչև տարեվերջ նախատեսվում է պահեստազորի մինչև 10 սպայի զորակոչել պարտադիր զինվորական ծառայության
20.11.2026 | 15:55
«Կողմ չենք քվեարկելու ալիևյան Սահմանադրությանը». «Հայաստան» խմբակցության պատասխանը՝ Փաշինյանի առաջարկին․ ՏԵՍԱՆՅՈՒԹ
20.11.2026 | 15:44
Հայաստանի Կիոկուշին կարատեի ֆեդերացիան կանցկացնի տարեվերջյան մրցաշարերը
20.11.2026 | 15:34
Առաջարկում եմ՝ ընդդիմությունն ապահովի 6 ձայնը և գնանք հանրաքվեի, եթե ժողովուրդը դեմ քվեարկի` ես հրաժարական եմ տալիս․ Փաշինյան․ ՏԵՍԱՆՅՈՒԹ
20.11.2026 | 15:23
Առաջարկում ենք կուսակցությունների ֆինանսական հոսքերը ԿԿՀ կայքում հրապարակել իրական ժամանակում․ ՏԵՍԱՆՅՈՒԹ
20.11.2026 | 15:10
Սահմանադրության տեքստը կհրապարակվի նոյեմբերի 23-ին // Գերմանիայից ՀՀ քաղաքացիներ են արտաքսվել․ ԼՈՒՐԵՐ
20.11.2026 | 15:05
Մտածում են կատակում ենք, լուրջ չեն ընդունում. Սոնա Ղազարյանը` արտահերթի գնալու առաջարկի մասին․ ՏԵՍԱՆՅՈՒԹ
20.11.2026 | 14:56
Արփինե Սարգսյանը հանդիպել է Իսլանդիայի նախագահին և Ավստրալիայի նախկին վարչապետին․ քննարկվել են կանանց նկատմամբ բռնության կանխարգելման հարցեր
20.11.2026 | 14:44
Էդ խեղճ «ստնտուկները» ի՞նչ են արել, որ ուզում եք պատժել. Տարոն Չախոյանը` Նարեկ Կարապետյանին․ ՏԵՍԱՆՅՈՒԹ
20.11.2026 | 14:41
Դոնալդ Տուսկը Լեհաստանի օդային տարածքի խախտման կապակցությամբ արտակարգ խորհրդակցություն է հրավիրել
20.11.2026 | 14:32
Հրդեհի վտանգի պատճառով փակվել են «Ֆլեշ»-ի և «Կամօյլ»-ի լցակայանները, Մրգաշատում ապամոնտաժվել է գազի պահեստարան
20.11.2026 | 14:26
Գյումրիում և Ամասիայում հայտնաբերվել են ինքնաձիգներ, ատրճանակներ, նռնակներ և մեծ քանակությամբ զինամթերք
20.11.2026 | 14:20
Ալեքսանդր Օվեչկինի ռեկորդն ու հակառեկորդը «Վաշինգտոն Քեփիթալզում». ՏԵՍԱՆՅՈՒԹ
20.11.2026 | 14:14
Աննա Գրիգորյանի ճեպազրույցը՝ ՈւՂԻՂ
20.11.2026 | 14:12
Սպիտակ տունը պաշտոնանկ է արել կիբերանվտանգության ծառայության տնօրենին՝ համակարգերում լայնածավալ խափանումների պատճառով
Բոլորը

ՀՀ կրթության, գիտության, մշակույթի և սպորտի նախարար Ժաննա Անդրեասյանը Հայաստանի ազգային ագրարային համալսարանում այսօր մասնակցել է 2023/24 ուսումնական տարվա շրջանավարտների ավարտական վկայականների հանձնման հանդիսավոր արարողությանը:

ԿԳՄՍՆ-ից տեղեկացնում են, որ միջոցառմանը մասնակցել են նաև Բարձրագույն կրթության և գիտության կոմիտեի նախագահ Սարգիս Հայոցյանը, Հայաստանի ազգային ագրարային համալսարանի ռեկտորի պաշտոնակատար Հրաչյա Զաքոյանը, ՀՀ էկոնոմիկայի նախարարի տեղակալ Արման Խոջոյանը, բուհի պրոֆեսորադասախոսական կազմի ներկայացուցիչներ, շրջանավարտներ:

Ողջունելով շրջանավարտներին և շնորհավորելով մասնագիտական կրթության կարևորագույն փուլի ամփոփման առիթով՝ ԿԳՄՍ նախարար Ժաննա Անդրեասյանը նշել է՝ շրջանավարտները հասուն կյանք են մուտք գործում որպես մասնագետի որակավորում և անհրաժեշտ կարողունակություններ ունեցող քաղաքացիներ:

«Վստահաբար՝ ձեր ամեն հաջորդ օրը նվիրված է լինելու մեր երկրում ագրարային ոլորտի զարգացմանը, մեր հասարակության և պետության ամրացմանը, որը շատ կարևոր հանձնառություն ու պատասխանատվություն է: Ձեզնից պահանջվել են մեծ ջանքեր, նվիրում և սրտացավություն, որպեսզի դիպլոմները դիտարկեք գիտելիքների, կարողությունների և հմտությունների վկայագիր: Այն, ինչ սովորել եք բուհում, շատ կարևոր է, բայց ոչ պակաս կարևոր է այն, ինչ սովորելու եք հետագա մասնագիտական գործունեության ընթացքում, որովհետև կրթության գործընթացը երբեք չի դադարում»,- ասել է Ժաննա Անդրեասյանն ու հույս հայտնել՝ շրջանավարտները մասնագիտական մշտական կապ կպահեն բուհի հետ՝ դրանով իսկ նպաստելով ագրարային կրթության զարգացմանը:

Ժաննա Անդրեասյանն անդրադարձել է նաև պետության համար ագրարային ոլորտի կարևորությանը՝ ընդգծելով, որ այն պետության առանցքային և ռազմավարական ուղղություններից է:

«Ագրարային ոլորտի կրթությունն իրապես պետք է պատրաստի այնպիսի մասնագետների, որոնց կարիքն ունի մեր երկիրը: Բուհն ունի շատ ուժեղ և ամուր ավանդույթներ, բայց բուհի զարգացման նոր ծրագրերն անընդհատ քննարկվում են: Հատկապես տեխնոլոգիական զարգացմանը զուգընթաց փոխվում է նաև գյուղատնտեսությունը: Առաջ են գալիս նոր մասնագիտություններ, պահանջվում են բոլորովին նոր հմտություններ ու կարողություններ: Այս ամենը, իհարկե, մարտահրավեր է առաջին հերթին բուհի, ապա նաև պետության համար՝ առաջ գնալու և որևէ վայրկյան չկանգնելու, որպեսզի ագրարային կրթությունը մեր երկրում լինի բարձրորակ ու մրցունակ»,- նշել է Ժաննա Անդրեասյանը:

Նա նաև տեղեկացրել է, որ ԿԳՄՍ նախարարությունը շրջանառության մեջ է դրել նաև ագրարային ոլորտի որոշ մասնագիտություններ գերակա ճանաչելու վերաբերյալ որոշման նախագիծ, ինչի արդյունքում այս ուղղություններով սովորողներն ավելի բարձր կրթաթոշակ կստանան: Նախագծով առաջարկվում է գերակա մասնագիտությունների ցանկում ներառել անասնաբուժություն, ագրոնոմիկա, անտառային տնտեսություն, անասնաբուծություն, պարենամթերքի տեխնոլոգիա, ագրարային ճարտարագիտություն մասնագիտությունները՝ 2024-2025 ուսումնական տարում բուհ ընդունված ուսանողների համար ըստ առաջադիմության սահմանելով ամսական 70-77 հազար դրամ կրթաթոշակ:

ԿԳՄՍ նախարարի խոսքով՝ մյուս կարևոր թիրախը բուհի միջազգային համագործակցության ընդլայնումն է: Մասնավորապես՝ քննարկվում է արտերկրի տարբեր բուհերի հետ ավելի ընդլայնված համագործակցության հնարավորությունը, որը թույլ կտա իրականացնել փոխանակման ծրագրեր ինչպես դասախոսների, այնպես էլ ուսանողների միջև:

Հայաստանի ազգային ագրարային համալսարանի ռեկտորի պաշտոնակատար Հրաչյա Զաքոյանը ևս ողջունել է ավելի քան 90-ամյա պատմություն ունեցող համալսարանի 2023 – 2024 ուստարվա շրջանավարտներին:

«Դուք բուհն ավարտում եք մեր երկրի գյուղատնտեսության ոլորտում մարտահրավերներով ու անորոշություններով, բայց նաև զարգացման համար շրջադարձային հնարավորություններով լի ժամանակաշրջանում։ Վստահ եմ, որ պատրաստ եք կարևոր դեր ստանձնել սպասվող դրական զարգացումներում, ավելին՝ կարող եք լինել դրա շարժիչ ուժը»,- նշել է Հրաչյա Զաքոյանը:

Նրա խոսքով՝ շրջանավարտները հնարավորություն են ունեցել իրենց գործնական հմտությունները զարգացնել և դրանք կարողության վերածել ինչպես համալսարանի մի քանի տասնյակ նորաստեղծ ենթակառուցվածքներում, այնպես էլ ագրոպարենային ոլորտի առաջատար ընկերություններում, որտեղ անցկացրել են հանրապետության բուհական համակարգի համար նորամուծություն համարվող աշխատանքային կիսամյակ։

Այս ուսումնական տարում Հայաստանի ազգային ագրարային համալսարանն ունի 1071 շրջանավարտ՝ բակալավրիատի և մագիստրատուրայի կրթական ծրագրերով: