11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կրեմլում մեկնարկել է Պուտինի և Օրբանի հանդիպումը
Քաղաքականություն
05.07.2024 | 15:45
Կրեմլում մեկնարկել են ՌԴ նախագահ Վլադիմիր Պուտինի և Հունգարիայի վարչապետ Վիկտոր Օրբանի բանակցությունները, գրում է ՌԻԱ Նովոստին։
Պուտինը հայտարարել է, որ իր զրուցակցին կծանոթացնի Ուկրաինայի խաղաղ կարգավորման վերաբերյալ Մոսկվայի առաջարկների մանրամասներին, ինչպես նաև ակնկալում է իմանալ հունգարական ծրագրի մանրամասները։
«Հուսով եմ՝ կներկայացնեք ձեր դիրքորոշումը, եվրոպացի գործընկերների դիրքորոշումը»,- ասել է ՌԴ նախագահը։
Նա նշել է, որ Օրբանը Մոսկվա է ժամանել ոչ միայն որպես երկարամյա գործընկեր, այլև որպես ԵՄ Խորհրդում նախագահող։
«Բարի գալուստ Մոսկվա, Ռուսաստան։ Ես հասկանում եմ, որ այս անգամ ժամանել եք ոչ միայն որպես մեր վաղեմի գործընկեր, այլև որպես Եվրոպական Խորհրդում նախագահող»,- ասել է ՌԴ նախագահը՝ առաջարկելով քննակել Ուկրաինայում ստեղծված իրավիճակը։
Ըստ աղբյուրի՝ Օրբանն իր հերթին «հատուկ» է անվանել Պուտինի հետ այս հանդիպումը։
Մինչ այս, ԵՄ դիվանագիտության ղեկավար Ժոզեպ Բորելը հայտարարել է, որ Վիկտոր Օրբանի այցը Մոսկվա տեղի է ունենում բացառապես Հունգարիայի և Ռուսաստանի երկկողմ հարաբերությունների շրջանակում։ Նրա խոսքով՝ Ուկրաինայի դեմ Ռուսաստանի ագրեսիվ պատերազմի հարցում ԵՄ դիրքորոշումը բացառում է պաշտոնական շփումները ԵՄ-ի և Վլադիմիր Պուտինի միջև։
«Ուստի, Հունգարիայի վարչապետը ոչ մի ձևով չի ներկայացնում ԵՄ-ն»,- ասվում է նրա հայտարարության մեջ։
Հիշեցնենք, որ օրերս Օրբանն այցով Կիևում էր։
