Քաղաքականություն
04.07.2024 | 22:58
Ուկրաինայի նախագահի մամուլի քարտուղար Սերգեյ Նիկիֆորովը հերքել է Fox News հեռուստաալիքի նախկին հաղորդավար Թաքեր Կարլսոնի հայտարարությունը Վլադիմիր Զելենսկիի հետ հարցազրույցի մասին, գրում է BBC-ի ռուսական ծառայությունը։
«Պարոն Թաքեր Կարլսոնը պետք է ավելի ուշադիր ստուգի իր աղբյուրներն ԱԴԾ-ում (ՌԴ Անվտանգության դաշնային ծառայություն): Ուկրաինայի նախագահը բոլորովին այլ գրաֆիկ ունի, և Թաքեր Կարլսոնն այնտեղ չկա»,- գրել է Նիկիֆորովը։
Ավելի վաղ ամերիկացի հաղորդավարը X-ում գրառմամբ հայտնել էր, որ, կարծես թե, ստացել են Զելենսկիի հարցազրույցը:
«Մենք փորձել ենք երկու տարի և հատուկ ինտենսիվությամբ՝ փետրվարին Պուտինի հետ հարցազրույցից հետո։ Խնդիրն այն է, որ ամերիկացիներին շատ անհրաժեշտ տեղեկատվությունը փոխանցվի հակամարտության մասին, որն ամբողջությամբ վերափոխում է նրանց երկրի դիրքերն աշխարհում»,- գրել էր Կարլսոնը՝ հույս հայտնելով, որ այն շուտով կլինի։
