24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Արաբկիրի փոխթաղապետերը կալանավորվել են, իսկ թաղապետը տնային կալանք կկրի
Հասարակություն
04.07.2024 | 12:23
Արաբկիրի թաղապետ Արամ Ազատյանի նկատմամբ խափանման միջոց է ընտրվել տնային կալանքը և 30 մլն դրամ գրավը։ Փոխթաղապետեր Գեղամ Կարապետյանն ու Դավիթ Բալասանյանը երկու ամսով կալանավորվել են․ այս մասին հայտնում են Factor.am-ի աղբյուրները։
Հիշեցնենք, որ երեկ ՔԿ-ն ԱԱԾ Երևանի քաղաքային վարչության աշխտակիցների օժանդակությամբ Արաբկիրի թաղապետարանում իրականացրել է քննչական ու վարութային գործողություններ, որոնց արդյունքում բերման էին ենթարկվել թաղապետ Արամ Ազատյանը, նրա տեղակալներ Գեղամ Կարապետյանն ու Դավիթ Բալասանյանը։ Ավելի ուշ հայտնեցինք, որ, ի թիվս այլ պաշտոնյաների, նրանք ևս ձերբակալվել են:
Մեր տեղեկություններով՝ խուզարկությունը կապված է գնումների ընթացքում չարաշահումների, փողերի յուրացման, կաշառք ստանալու, պաշտոնեական դիրքի չարաշահման և փաստաթղթեր կեղծելու կասկածանքի հետ:
Վարույթն իրականացնող մարմինն այս պահին որևէ տեղեկություն չի տրամադրում։
Արփի Հակոբյան
