06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Մինսկը հայտարարել է, թե Հայաստանին նույնպես հրավիրել են մասնակցելու զորահանդեսին
Քաղաքականություն
03.07.2024 | 18:26
Բելառուսի մայրաքաղաք Միսնկում այսօր ռազմական շքերթ է անցկացվել՝ նվիրված նացիստներից Մինսկի ազատագրման 80-ամյակին ու երկրի անկախության օրվան։ Շքերթին մասնակցել են Ռուսաստանի, Ադրբեջանի, Ղազախստանի, Ղրղզստանի, Չինաստանի, Տաջիկստանի և Ուզբեկստանի զինվորականները։
Բելառուսի Անվտանգության խորհրդի պետական քարտուղար Ալեքսանդր Վոլֆովիչը տեղական լրատվամիջոցներին ասել է, որ Մինսկում շքերթին մասնակցելու համար հրավիրվել են նաև Հայաստանի ներկայացուցիչները։
«Հրավիրվել է նաև Հայաստանը։ Բայց ինչ-որ անհասկանալի, ամենայն հավանականությամբ, սուբյեկտիվ պատճառներով, մենք հասկանում ենք, թե որոնք են այդ պատճառները, ցավոք, Հայաստանի պատվիրակությունը, հայկական անձնակազմերը չեն ժամանել շքերթին մասնակցելու»,- ասել է Վոլֆովիչը։
Նշենք, որ այս օրերին Բելառուսի մայրաքաղաքում անցկացվում է նաև ԱՊՀ պաշտպանության նախարարների խորհրդի նիստը, որին նույնպես Հայաստանը ներկայացված չէ։
