07.07.2024 | 13:13
Հուլիսի 8-12-ին սպասվում է կարճատև անձրև և ամպրոպ. oդի ջերմաստիճանը կնվազի
Կրեմլից արձագանքել են Վիկտոր Օրբանի Ուկրաինա այցին
Քաղաքականություն
02.07.2024 | 16:03
ՌԴ նախագահի մամուլի քարտուղար Դմիտրի Պեսկովը հայտարարել է, որ Կրեմլում ոչինչ չեն սպասում Հունգարիայի վարչապետ Վիկտոր Օրբանի Կիև այցից, փոխանցում է ՏԱՍՍ-ը։
«Ոչինչ չենք սպասում, մենք չէ, որ պետք է մեկնաբանենք։ Հասկանալի է, որ Հունգարիան, որն այս ընթացքում սկսել է նախագահել ԵՄ Խորհրդում, պետք է կատարի իր գործառույթները։ Դրա համար այս պարագայում, կարծում եմ, այստեղ գերակայելու են պարտականությունները Բրյուսելի շահերի համատեքստում, այլ ոչ թե Հունգարիայի ազգային շահերի համատեքստում»,- ասել է Պեսկովը։
Ըստ նրա՝ «Օրբանը հայտնի է որպես քաղաքական գործիչ, որը գիտի՝ ինչպես շատ ամուր պաշտպանել իր երկրի շահերը»։
Պեսկովը նաև նշել է, որ հունգարական վարչակազմը ռուսական կողմի հետ չի քննակել Օրբանի Կիև այցը։
Նշենք, որ Վիկտոր Օրբանն ուկրաինական պատերազմի մեկնարկից ի վեր առաջին անգամ այսօր ժամանալ է Կիև։ Նա հանդիպել է Ուկրաինայի նախագահ Վլադիմիր Զելենսկիին։
