23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Բայդենի ընտանիքը նրան խրախուսել է դուրս չգալ ընտրապայքարից․ CNN
Քաղաքականություն
01.07.2024 | 13:14
Ջո Բայդենի ընտանիքը գործող նախագահին խրախուսել է մնալ մրցավազքում և մասնավոր կերպով քննարկել՝ արդյո՞ք օգնականները պետք է պաշտոնանկ արվեն նրա վատ բանավեճի պատճառով։ Այս մասին հայտնում է CNN-ը՝ վկայակոչելով իր աղբյուրներին։
Նշվում է, որ Բայդենի ընտանիքը, այդ թվում՝ առաջին տիկին Ջիլ Բայդենը, որդին՝ Հանթեր Բայդենը և նրանց թոռները, հավաքվել են Քեմփ Դևիդում՝ նախապես ծրագրված հավաքի և խնդրել նախագահին շարունակել պայքարը վերընտրվելու համար, CNN-ին հայտնել են Բայդենի խորհրդականները։
Նրանցից մեկն ասել է, որ ընտանիքի անդամներն իրենց «աներկբա աջակցությունն» են առաջարկել գործող նախագահին։
Խորհրդականներից մեկը նաև ասել է, որ ընտանիքն ակնհայտորեն հիասթափված է այն թիմից, որը պատրաստել էր Բայդենին նախկին նախագահ Դոնալդ Թրամփի հետ հեռուստաբանավեճից առաջ, քննարկվել է՝ արդյո՞ք Բայդենի գլխավոր խորհրդականներից որևէ մեկը պետք է հեռացվի աշխատանքից, և արդյո՞ք պետք է կատարվեն նախընտրական շտաբի կադրային փոփոխություններ։
Բայդենը, սակայն, հայտնի է իր մտերիմ խորհրդականներին հավատարմությամբ և չի սիրում նրանց հեռացնել աշխատանքից։ Լրատվամիջոցը նշում է, որ կիրակի օրվա դրությամբ՝ նշաններ չկան, որ կադրային լուրջ փոփոխություններ են սպասվում։
