26.06.2026 | 18:00
ԴՕԿ-ը Դանիել Իոաննիսյանին վկայի կարգավիճակով ՍԴ հրավիրելու միջնորդություն ներկայացրեց․ ՏԵՍԱՆՅՈՒԹ
Անհրաժեշտ է ակտիվացնել գիտական Սփյուռքի հետ փոխգործակցությունը․ ՀՀ ԳԱԱ նախագահ Աշոտ Սաղյանը հյուրընկալել է Զարեհ Սինանյանին
Հասարակություն
28.06.2024 | 14:44
Սույն թվականի հունիսի 28-ին ՀՀ ԳԱԱ նախագահ ակադեմիկոս Աշոտ Սաղյանը հյուրընկալել է ՀՀ Սփյուռքի գործերի գլխավոր հանձնակատար Զարեհ Սինանյանին․ տեղեկացնում են ՀՀ ԳԱԱ-ից։
«Հանդիպման ընթացքում նշվեց, որ վերջին համագործակցության փաստաթուղթը ստորագրվել է 2008թ. ՀՀ ԳԱԱ-ի և Սփյուռքի նախարարության միջև։ Անհրաժեշտ է խորացնել համագործակցությունը՝ ակտիվացնելով գիտական Սփյուռքի հետ փոխգործակցությունը:
Քննարկման արդյունքում որոշվեց ՀՀ ԳԱԱ և ՀՀ Սփյուռքի գործերի գլխավոր հանձնակատարի գրասենյակի հետ կազմակերպել հանդիպում ոլորտային շահագրգիռ կազմակերպությունների և գիտնականների հետ առկա և հեռակա ձևաչափով՝ գտնելու համագործակցության ակտիվացման մեխանիզմներ:
Հանդիպումից հետո ՀՀ Սփյուռքի գործերի գլխավոր հանձնակատար Զարեհ Սինանյանը այցելեց ՀՀ ԳԱԱ Սփյուռքի բաժին, ծանոթացավ ՀՀ ԳԱԱ արտասահմանյան անդամների գործունեությանը:
Հանդիպումը կազմակերպել էր ՀՀ ԳԱԱ Սփյուռքի հարցերով պատասխանատու պատմական գիտությունների թեկնածու, դոցենտ Գոհար Իսկանդարյանը»,- ասված է հաղորդագրությունում։
