01.07.2024 | 23:30
Ադրբեջանում հուլիսի 1-ը դիմավորում են նոր թանկացումներով․ բարձրացել են բենզինի, դիզվառելիքի և հասարակական տրանսպորտի գները
Միջազգային իրավական հարցերով ներկայացուցիչը՝ ՀՀ-ի դեմ Walnort Finance Limited-ի կողմից ներկայացված իրավական վեճի մասին
Քաղաքականություն
27.06.2024 | 20:25
Միջազգային իրավական հարցերով ներկայացուցիչն անդրադարձել է ՀՀ-ի դեմ Walnort Finance Limited-ի կողմից ներկայացված իրավական վեճին։
«Ի պատասխան վերջին օրերին ԶԼՄ-ներում շրջանառվող Walnort Finance Limited-ի կողմից ներկայացված իրավական վեճի վերաբերյալ տեղեկությունների՝ Միջազգային իրավական հարցերով ներկայացուցչի գրասենյակը տեղեկացնում է, որ նշված ընկերության կողմից 2023թ․ հոկտեմբերի 16-ին ստացվել է իրավական վեճի մասին ծանուցում, իսկ ս․թ․ հունիսի 3-ին՝ վեճն արբիտրաժի միջոցով լուծելու վերաբերյալ ծանուցում՝ Հայաստանի Հանրապետության կառավարության և Կիպրոսի Հանրապետության միջև ներդրումների խրախուսման և փոխադարձ պաշտպանության մասին համաձայնագրի ներքո: Արբիտրաժային ծանուցմամբ ներկայացված ենթադրյալ խախտումները, պահանջը և դրա չափը հիմնավորող բոլոր փաստարկներն ու ապացույցները պետք է սահմանված կարգով քննվեն արբիտրաժային վարույթի շրջանակներում։
Ավելին Հայաստանի Հանրապետությունը դեռ պետք է ներկայացնի իրավական դիրքորոշում ի պատասխան ներկայացված պահանջերի:
Նման արբիտրաժային վարույթներ առաջին անգամ չեն ընթանում Հայաստանի Հանրապետության մասնակցությամբ, և Գրասենյակը շարունակում է ապահովել Հայաստանի Հանրապետության պատշաճ պաշտպանությունը նմանատիպ գործընթացներում այդ թվում միջազգային իրավախորհրդատուների ներգրավմամբ:
Ըստ այդմ, հորդորում ենք հետևել պաշտոնական լրահոսին՝ հաշվի առնելով, որ այլ աղբյուրներից հաճախ ներկայացվում է արբիտրաժային վարույթին չվերաբերող, չճշտված, վիճելի և միակողմանի տեղեկատվություն»,- ասված է հաղորդագրության մեջ։
