30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն ուկրաինական պատերազմ է ուղարկել մոտ 10,000 միգրանտի․ Բաստրիկին
Քաղաքականություն
27.06.2024 | 16:25
Ռուսաստանի քաղաքացիություն ստացած շուրջ 10 հազար միգրանտներ ուղարկվել են Ուկրաինա՝ «հատուկ ռազմական գործողության» գոտի: Այս մասին հայտարարել է ՌԴ Քննչական կոմիտեի ղեկավար Ալեքսանդր Բաստրիկինը, գրում է ՌԻԱ Նովոստին։
«Ավելի քան 30 հազար քաղաքացիություն ստացած միգրանտների արդեն բռնել ենք, նրանք, որոնք չեն ցանկացել կանգնել զինվորական հաշվառման, գրանցել են։ Նրանցից մոտ 10,000-ն արդեն ուղարկվել է հատուկ ռազմական գործողության գոտի»,- ասել է Բաստրիկինը Սանկտ Պետերբուրգի միջազգային իրավական ֆորումում։
Նրա խոսքով՝ անձնագրեր ստացած միգրանտներն ուղարկվում են թիկունքային ստորաբաժանումներ, որտեղ ամրություններ են կառուցում։
Բաստրիկինը նաև հայտարարել է, որ այս կերպ Ռուսաստանը սկսել է «իրագործել Սահմանադրության և օրենքների դրույթները», որ քաղաքացիություն ստացածները «պետք է կանգնեն զինվորական հաշվառման և, անհրաժեշտության դեպքում, մասնակցեն հատուկ ռազմական գործողությանը»։
