23.11.2024 | 14:46
Հայտարարվել է Հակակոռուպցիոն կոմիտեի նախագահի թեկնածուների ընտրության խորհրդի ներկայացուցիչների ներգրավման մրցույթ
Դաղստանում ահաբեկչությունների զոհերի թիվը հասել է 21-ի
Քաղաքականություն
25.06.2024 | 13:24
Դաղստանից ևս մեկ ոստիկան, որը ծանր վիրավորվել է հունիսի 23-ի ահաբեկչական հարձակման հետևանքով, մահացել է։ Տելեգրամի իր ալիքում հայտնել է Դաղստանի Դերբենտի շրջանի ղեկավար Մավսում Ռագիմովը։ Նա նշել է, որ մահացած սերժանտը 24 տարեկան էր, գրում է «Ինտերֆաքս»-ը։
Դերբենտի կենտրոնական հիվանդանոցից լրատվամիջոցին հայտնել են, որ ոստիկանության սերժանտ Նարիման Նասրուլլաևը գտնվում էր վերակենդանացման բաժանմունքում և ծայրահեղ ծանր վիճակում էր։
«Այժմ այնտեղ մնացել է 5 մարդ, երեքը՝ միջին ծանրության, երկուսը՝ ծանր»,- ասել են հիվանդանոցից։
Ավելի վաղ հաղորդվել էր, որ Դաղստանում կիրակի տեղի ունեցած ահաբեկչությունների հետևանքով զոհվել է 20 մարդ, այդ թվում՝ 15 ոստիկան, ևս 26 մարդ վիրավորվել է։
Զոհերի ընդհանուր թիվն այժմ 21 է։
