Այսօր մեկնարկում են Ուկրաինայի և Մոլդովայի՝ ԵՄ-ին անդամակցելու շուրջ բանակցությունները

Քաղաքականություն

25.06.2024 | 12:25

Լուրեր

14.12.2025 | 21:40

Ոստիկանությունը ձերբակալել է Բրաունի համալսարանում կրակ բացելու մեջ կասկածվողին

14.12.2025 | 20:34

Դեկտեմբերի 15-ին Արարատ Միրզոյանն աշխատանքային այցով գտնվելու է Բրյուսելում

14.12.2025 | 20:28

Գլխավոր տոնածառի լույսերը վառվեցին

14.12.2025 | 19:26

Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին

14.12.2025 | 18:20

Թաիլանդն ու Կամբոջան շարունակում են ռազմական գործողությունները

14.12.2025 | 17:25

Իրավիճակը ճանապարհներին՝ 17։15-ի դրությամբ

14.12.2025 | 16:37

Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան

14.12.2025 | 16:13

ՀԱԿ նախագահ է վերընտրվել Լևոն Տեր-Պետրոսյանը

14.12.2025 | 15:42

Կյանքից հեռացել է մանկական վիրաբույժ Ավթանդիլ Հարությունյանը

14.12.2025 | 15:17

Ուկրաինան հարվածել է Ուրյուպինսկի նավթաբազային և Յարոսլավլի նավթավերամշակման գործարանին

14.12.2025 | 14:50

10 մարդ է զոհվել Սիդնեյի Բոնդի-Բիչ լողափում Հանուկայի տոնակատարության ժամանակ տեղի ունեցած հրաձգության հետևանքով

14.12.2025 | 14:02

Մառախուղ, քամու ուժգնացում․ օդի ջերմաստիճանը կնվազի

14.12.2025 | 13:41

Անհայտ անձինք կրակ են բացել Ավստրալիայի լողափում

14.12.2025 | 13:28

Բռնցքամարտի Հայաստանի հավաքականը պատմական արդյունքով է վերադարձել հայրենիք

14.12.2025 | 13:11

ՀՀ դրոշ՝ Սուրբ Գևորգ եկեղեցում. Արմավիրի թեմում Փաշինյանի ցանկությունը չեն անտեսել

Բոլորը

Հունիսի 25-ը նշանակալից օր է Ուկրաինայի և Մոլդովայի համար։ Եվրամիությունը պաշտոնապես սկսում է անդամակցության բանակցություններն այս թեկնածու երկրների հետ։ Պահը պատմական են անվանում և՛ Կիևում, և՛ Քիշնևում, և՛ Բրյուսելում, բայց սա միայն առաջին քայլն է, գրում է DW-ի ռուսական ծառայությունը։

Բանակցությունները պաշտոնապես սկսվում են այս երկրներից յուրաքանչյուրի հետ Եվրամիության միջկառավարական համաժողովներով: Դրանք տեղի են ունենալու հունիսի 25-ին Լյուքսեմբուրգում ԵՄ խորհրդում։ ԵՄ ընդլայնման քաղաքականության մեջ այդ բանակցությունները թեկնածու երկրի ու ԵՄ երկրների կառավարությունների միջև են, որոնց ընթացքում քննարկվում և համաձայնեցվում են Եվրամիությանն անդամակցության պայմանագրի դրույթները: Նման համաժողովներ անցկացվում են ընդլայնման գործընթացի առանցքային պահերին։

Եվրոպական կողմը կներկայացնի վերջերս ընդունված բանակցային շրջանակը, որը հետագա բանակցությունների հիմք կդառնա և կորոշի դրանց բովանդակությունը, ձևաչափն ու կարգը։

Համաժողովներից հետո սկսվելու է բանակցությունների հիմնական մասի նախապատրաստական գործընթացը՝ սքրինինգը, այսինքն՝ ԵՄ օրենսդրությանը համապատասխանության թեկնածու երկրների օրենսդրության վերլուծություն։ Այս գործընթացը սովորաբար տևում է առնվազն մեկ տարի, բայց Ուկրաինայի և Մոլդովայի դեպքում այն կարող է ավարտվել ավելի շուտ, Բրյուսելում տեղի ունեցած ճեպազրույցի ժամանակ ասել է ԵՄ բարձրաստիճան պաշտոնյան՝ նշելով, որ «լավ գիտեն երկու երկրների պատրաստվածության մակարդակը»:

Սքրինինգից հետո կողմերը կսկսեն բանակցությունների առաջին բլոկը։ ԵՄ 2020 թվականի նոր մեթոդաբանության համաձայն՝ բանակցությունները սկսվում են 23-րդ (դատական համակարգ և հիմնարար իրավունքներ) և 24-րդ (արդարադատություն, ազատություն և անվտանգություն) գլուխներով, քանի որ դրանք հիմնարար են։

Անհնար է կանխատեսել, թե որքան կտևեն բանակցությունները։ Դրանց տեմպը կախված է բարեփոխումների արագությունից և յուրաքանչյուր երկրում ԵՄ օրենքներին համապատասխանելուց: Սակայն Բրյուսելը նշում է, որ Ուկրաինայի և Մոլդովայի միջև բանակցությունների միաժամանակյա մեկնարկը չի նշանակում, որ նրանք միասին կմտնեն Եվրամիություն։