30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եթե Վրաստանի կառավարությունը շարունակի իր քաղաքականությունը, ԵՄ-ի դուռը կփակվի Թբիլիսիի համար. Բորել
Քաղաքականություն
24.06.2024 | 14:43
Եվրամիություն մտնելու դուռը բաց է Վրաստանի համար, բայց եթե կառավարությունը շարունակի նույն ճանապարհը, եթե շարունակի անել այն, ինչ անում է, այդ դուռը կփակվի։ Այս մասին հայտարարել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ջոզեֆ Բորելը Լյուքսեմբուրգում ԵՄ ԱԳ նախարարների խորհրդի նիստից առաջ, գրում է Interpressnews-ը։
«Մենք պատրաստվում ենք քննարկել Վրաստանում տիրող իրավիճակը, և մի բան պարզ է․ ԵՄ-ին անդամակցության դուռը բաց է Վրաստանի համար, բայց եթե կառավարությունը շարունակի նույն ճանապարհը, այս դուռը կփակվի, և վրաց ժողովուրդը կվճարի դրա հետևանքների համար»,- ասել է Բորելը։
Նա հավելել է, որ խոսքը ոչ միայն ԵՄ-ին անդամակցության հեռանկարների սահմանափակումների, այլև թեկնածուի կարգավիճակի հնարավոր չեղարկման մասին է։
Բորելն ասել է, որ ԵՄ ԱԳ նախարարներին այսօր կներկայացնի ծրագիր, որտեղ բացատրվում է, թե ինչ կարելի է անել կարճաժամկետ և միջնաժամկետ հեռանկարում, որպեսզի այն, ինչ տեղի է ունենում Վրաստանում, չշարունակվի։
