07.11.2026 | 11:11
Նավթի գները նվազել են
Կասկադ համալիրում նշվել է Յոգայի միջազգային օրը
Հասարակություն
22.06.2024 | 17:01
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
ՀՀ ԿԳՄՍ նախարարության և Հայաստանում Հնդկաստանի դեսպանատան համագործակցությամբ Երևանի Կասկադ համալիրում նշվել է Յոգայի միջազգային օրը:
ԿԳՄՍՆ-ից տեղեկացնում են, որ միջոցառմանը ներկա են եղել ԿԳՄՍ նախարարի տեղակալ Արթուր Մարտիրոսյանը և ՀՀ-ում Հնդկաստանի Հանրապետության դեսպան Նիլակշի Սահա Սինհային:
ԿԳՄՍ նախարարի տեղակալ Արթուր Մարտիրոսյանի խոսքով՝ Հայաստանում Յոգային նվիրված միջոցառումներն արժևորում են Հայաստան-Հնդկաստան միջմշակութային երկխոսությունը, դրա շարունակական ընթացքը, ինչպես նաև երկու ժողովուրդների դարավոր բարեկամությունն ու համագործակցությունը:
«Որպես մշակութային հարուստ ժառանգություն և պատմություն ունեցող երկիր՝ ուրախ ենք աջակցել Հայաստանում այլ մշակույթների հանրահռչակմանը:
Մեր օրերում Յոգան համաշխարհային ճանաչում և բազում հետևորդներ ունի: Այն մարմնի և հոգու միասնության, շարժման ու պլաստիկայի միջոցով ամփոփում է համամարդկային կենսագործունեության և հոգևոր-տիեզերական արժեքները։ Այդ առումով այն ընդլայնում է իր ազդեցության սահմանները՝ հնդիկ ժողովրդի հնագույն ժառանգությունը վերածելով արդի ժամանակների կրթական և հոգևոր գաղափարախոսության»,- ասել է Արթուր Մարտիրոսյանը և ընդգծել Հնդկաստանի և Հայաստանի միջև տարբեր ոլորտներում նշանակալի Համագործակցությունը։
Յոգայի միջազգային օրը հռչակվել է հունիսի 21-ը՝ ՄԱԿ-ի Գլխավոր ասամբլեայի կողմից 2014 թվականին։ Հայաստանն այն 179 երկրների թվում էր, որոնք կողմ են քվեարկել ՄԱԿ-ի գլխավոր ասամբլեայի որոշմանը: 2015 թվականից սկսած՝ ողջ աշխարհում նշվում է Յոգայի միջազգային օրը, և կազմակերպվում են դրան նվիրված տարբեր միջոցառումներ: 2016 թ. Հնդկաստանի «Յոգա» վերնագրով հայտը գրանցվել է ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացուցչական ցանկում՝ որպես հնդիկ ժողովրդի հնագույն փիլիսոփայության և հասարակության առողջ ապրելակերպի դրսևորում:
