20.04.2026 | 14:44
Արմեն Գրիգորյանն ընդունել է ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնին
ՌԴ-ն հիբրիդային պատերազմ է վարում ՀՀ դեմ՝ 5-րդ շարասյուն, հաքերային հարձակում․ ԵՄ անդամ լինելով՝ կապահովագրվենք․ Էդգար խաչատրյան․ ՏԵՍԱՆՅՈՒԹ
Քաղաքականություն
21.06.2024 | 20:00
Արևելյան գործընկերության քաղաքացիական հասարակության ֆորումի Հայաստանի ազգային պլատֆորմի համակարգող, Խաղաղության երկխոսություն ՀԿ նախագահ Էդգար Խաչատրյանը ևս այսօր ԱԺ-ում մասնակցել է ԵՄ-ին անդամակցելու հարցով լսումներին։ Նա այնքան էլ չի կիսում այն գնահատականները, որ ՌԴ-ն հուժկու հարված կհասցնի Հայաստանին, եթե ԵՄ-ին անդամակցելու պրոցես սկսվի։
«ՌԴ-ն չունի քաղաքական ռեսուրս՝ հուժկու հարվածելու ՀՀ-ին, նա ռեգիոնից դուրս է գալիս, բայց այո՝ կօգտագործի Ադրբեջանին՝ որպես մահակ։ ՀՀ-ի առաջ բացվել է ԵՄ-ին անդամակցելու բացառիկ շանս, և անհրաժեշտ է օգտվել այս պահից»։
Խաչատրյանը տեսնում է անհրաժեշտ ցանկություն Արևմուտքի մոտ՝ Հայաստանին իր շարքերը ընդունելու, ինտեգրման ուղիով գնալու հարցով։ Նա նշում է, որ Նիկոլ Փաշինյանի իշխանությունը ԵՄ մտնելու նպատակով կոնկրետ քայլեր պիտի անի, պետությունը հիվանդ և չբարեփոխված ինստիտուտներով չի կարող այդ քայլն անել։ Ըստ Էդգար Խաչատրյանի՝ ԵՄ-ին անդամակցելը կենսական նշանակություն ունի ՀՀ-ի համար․
«ԵՄ-ին անդամակցելու այլընտրանքը ՀՀ-ի պետականության կորուստն է՝ Կրեմլի ձեռքին խաղալիք կդառնանք։ Ինձ համար հստակ է՝ կամ մենք անկախ պետություն կդառնանք, կամ՝ ծայրագավառ կլինենք Միութենական պետությունում։ ՌԴ-ն հիբրիդային պատերազմ է վարում ՀՀ դեմ՝ 5-րդ շարասյան դերակատարներ միացել են սրբազան պայքարին, հաքերային հարձակում է տեղի ունեցել։ Սինխրոն են աշխատում Բաքվի հետ։ ԵՄ անդամ լինելով՝ կապահովագրվենք նմանատիպ մարտահրավերներից»։
Հարցազրույցն ամբողջությամբ՝ տեսանյութում։
Ռոբերտ Անանյան
