23.02.2026 | 22:21
Լեհաստանում լրտեսության կասկածանքով Բելառուսի քաղաքացի է ձերբակալվել
ԵՄ-ն անդամակցության բանակցություններ է նախապատրաստում Ուկրաինայի և Մոլդովայի հետ
Քաղաքականություն
21.06.2024 | 15:40
ԵՄ տնտեսական և ֆինանսական խորհուրդը, որը գումարվել է Լյուքսեմբուրգում, հաստատել է Ուկրաինայի և Մոլդովայի հետ բանակցությունների շրջանակը, DW-ին հայտնել է ԵՄ դիվանագիտական աղբյուրը։
Սա նշանակում է, որ կողմերը կարող են պաշտոնապես սկսել նախապատրաստվել հունիսի 25-ին նախատեսված միջկառավարական համաժողովներին, որոնք կդառնան ԵՄ-ին այս թեկնածու երկրների անդամակցության շուրջ բանակցությունների պաշտոնական սկիզբը։
Այնուհետև Բելգիան, որը նախագահում է Եվրամիության խորհուրդը, X սոցիալական ցանցում հրապարակել է առաջիկա միջկառավարական համաժողովների մանրամասները։ Այսպիսով, Ուկրաինայի հետ համաժողովը նախատեսված է ժամը 15:30-ին, իսկ Մոլդովայի հետ՝ հունիսի 25-ին ժամը 18:00-ին: Դրանք կանցկացվեն Լյուքսեմբուրգում՝ ԵՄ խորհրդի նիստի շրջանակներում։
Մեկ շաբաթ առաջ Բելգիան հայտարարել էր Ուկրաինայի և Մոլդովայի հետ միջկառավարական համաժողովների անցկացման օրը այն բանից հետո, երբ Եվրամիության երկրների մշտական ներկայացուցիչները սկզբունքորեն համաձայնեցին Ուկրաինայի և Մոլդովայի համար բանակցային շրջանակի շուրջ։
