23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
ԱՄՆ-ն Ուկրաինային թույլատրել է ամերիկյան զենքով հարվածներ հասցնել ՌԴ-ի հետ սահմանային գծի ամբողջ երկայնքով
Քաղաքականություն
21.06.2024 | 15:56
ԱՄՆ-ն Ուկրաինային թույլատրել է ամերիկյան զենքով հարվածներ հասցնել Ռուսաստանի հետ սահմանային գծի ամբողջ երկայնքով, այլ ոչ միայն այն օբյեկտներին, որոնք գտնվում են Խարկովի մարզի սահմանին, գրում են Politico-ն և Reuters-ը։
Նախագահ Ջո Բայդենը մայիսի վերջին գաղտնի թույլտվություն է տրամադրել Ուկրաինային օգտագործել ամերիկյան զենքը՝ ՌԴ տարածքում ռազմական օբյեկտներին հարվածելու համար, բայց՝ միայն Խարկովի մարզի հետ սահմանին:
Պենտագոնի խոսնակ, գեներալ-մայոր Պատրիկ Ռայդերը հայտարարել է, որ չնայած ԱՄՆ քաղաքականության մեջ փոփոխությունների բացակայությանը՝ Ուկրաինայի կողմից ռուսական զորքերի դեմ զենքի կիրառումը չի սահմանափակվում Խարկովի մարզի մերձակայքում գտնվող սահմանային շրջաններով։
«Հակադարձ կրակի հնարավորությունն այն է, ինչին ուղղված է այս քաղաքականությունը»,- ասել է նա:
ԱՄՆ ազգային անվտանգության հարցերով խորհրդական Ջեյք Սալիվանն ավելի վաղ PBS-ին տված հարցազրույցում ասել էր, որ Ուկրաինայի հետ իրենց զենքի կիրառման մասին համաձայնագիրը վերաբերում է «բոլոր այն վայրերին, որտեղ ռուսական զորքերը հատում են սահմանը ռուսական կողմից ուկրաինական կողմ՝ փորձելով գրավել լրացուցիչ ուկրաինական տարածքներ»:
«Դա ինքնապաշտպանություն է, ուստի տրամաբանական է, որ նրանք ունենան այդ կարողությունը»,- հավելել էր նա:
