07.10.2026 | 16:30
ԱԺ-Կառավարություն հարցուպատասխանը՝ ՈՒՂԻՂ
ԱՄՆ-ը Patriot համակարգեր կմատակարարի միայն Ուկրաինային այնքան ժամանակ, մինչև դրանք ծածկեն երկրի ամբողջ երկինքը․ FT
Քաղաքականություն
20.06.2024 | 20:47
ԱՄՆ-ը կդադարեցնի Patriot զենիթահրթիռային համակարգերի արտադրության ցանկացած երկրի պատվերների կատարումը և դրանք կպատրաստի միայն Ուկրաինայի համար, քանի դեռ այս երկիրը չունի բավարար հակաօդային պաշտպանության համակարգեր՝ ռուսական հարձակումներից պաշտպանվելու համար։ Վաշինգտոնը ծրագրում է այս մասին հայտարարել հինգշաբթի, Financial Times-ին հայտնել են իրավիճակին ծանոթ երեք մարդ։
Նրանցից երկուսն ասել են, որ որոշումը կպաշտոնականացնի անցյալ շաբաթ G7-ի գագաթնաժողովի ժամանակ Ջո Բայդենի կողմից տրված խոստումը և թույլ կտա Ուկրաինային ձեռք բերել քաղաքներն ու ենթակառուցվածքները պաշտպանելու համար անհրաժեշտ սարքավորումները:
ԱՄՆ նախագահն Իտալիայում հայտարարել է, որ հինգ երկրներ համաձայնել են Patriot համակարգել ուղարկել Ուկրաինա, իսկ նրանք, ովքեր սպասում են իրենց մատակարարումներին ԱՄՆ-ից, պետք է սպասեն։
«Այն ամենը, ինչ մենք ունենք, կգնա Ուկրաինա, քանի դեռ նրա կարիքները չեն բավարարվել»,- ասել է Բայդենը՝ հավելելով, որ Ուկրաինան «համեմատաբար արագ» զենք կստանա։
Լեհաստանը, Ռումինիան և Գերմանիան ունեն ԱՄՆ-ում Patriot համալիրների արտադրության պատվերներ, նշում է FT-ն։
