11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
ԵՄ երկրները համաձայնության են եկել ՌԴ-ի դեմ պատժամիջոցների 14-րդ փաթեթի շուրջ
Քաղաքականություն
20.06.2024 | 13:50
ԵՄ անդամ երկրները համաձայնեցրել են Ռուսաստանի դեմ պատժամիջոցների 14-րդ փաթեթը, որոնք սահմանվել են Ուկրաինայում ագրեսիայի պատճառով, գրում է BBC-ի ռուսական ծառայությունը։
Մայիսի կեսերին հաղորդվել էր, որ 14-րդ փաթեթի շրջանակում ԵՄ երկրները մտադիր են արգելափակել «Իզվեստիա»-ն, «Ռոսիյսկայա գազետա»-ն, «ՌԻԱ Նովոստի»-ն, ինչպես նաև Պրահայում արդեն փակված Voice of Europe կայքը, որոնք, ըստ մի շարք երկրների իշխանությունների, եվրոպական քաղաքական գործընթացներին ռուսական միջամտության գործիք են։
Արգելվելու է այս բոլոր լրատվամիջոցներից որևէ կերպ նյութեր տարածել ԵՄ երկրներում։ Ավելի քան մեկ տասնյակ ռուսական խոշոր լրատվամիջոցներ ԵՄ-ում արդեն արգելված են որպես քարոզչություն և ապատեղեկատվություն տարածողներ:
Reuters-ը, վկայակոչելով ԵՄ ղեկավարության աղբյուրներին, նշում է՝ ենթադրվում էր նաև, որ Եվրահանձնաժողովը կառաջարկի պատժամիջոցներ կիրառել հյուսիսկորեական ռազմական տեխնիկան Ռուսաստան մատակարարող նավերի, ինչպես նաև G7-ի երկրների կողմից ռուսական նավթի գնի սահմանաչափը խախտող լցանավերի նկատմամբ։
Թե կոնկրետ որ փաթեթի վերջնական տարբերակն է համաձայնեցվել, դեռևս տեղեկություններ չեն հաղորդվում։
