01.11.2024 | 18:38
Իսպանիայում ջրհեղեղի զոհերի թիվը հասել է 208-ի. կան անհայտ թվով կորածներ
Ռուսական բանակը հարվածել է Ուկրաինայի չորս շրջանների էներգետիկ օբյեկտներին. ՋԷԿ է վնասվել
Քաղաքականություն
20.06.2024 | 12:16
Հունիսի 19-ի լույս 20-ի գիշերը ռուսական զորքերը հարձակվել են Ուկրաինայի վրա՝ ինը օդային և ցամաքային հրթիռներով ու 27 «Շահեդ» տիպի հարձակողական անօդաչու սարքերով։ Հինգ հրթիռ և բոլոր անօդաչու թռչող սարքերը խոցվել են, Current Time-ի փոխանցմամբ՝ հայտնում է Ուկրաինայի Զինված ուժերի ռազմաօդային ուժերի հրամանատարությունը։
ՀՕՊ-ը գործել է Դնեպրոպետրովսկի, Զապորոժիեի, Դոնեցկի, Նիկոլաևի, Խերսոնի, Խարկովի, Կիևի, Չերկասիի, Պոլտավայի և Վիննիցայի շրջաններում։
Հիմնական ուղղությունը եղել է Դնեպրոպետրովսկի շրջանը, հարձակման են ենթարկվել ենթակառուցվածքի կարևորագույն օբյեկտները, հաղորդում են ուկրաինացի զինվորականները։
Ukrenergo-ի հաղորդմամբ՝ ռուսական զորքերը հարձակվել են Վիննիցայի, Դնեպրոպետրովսկի, Դոնեցկի և Կիևի մարզերի էներգետիկ օբյեկտների վրա։ Այլ մանրամասներ ընկերությունից չեն հայտնել։
