24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Ուղևորը թքել է դիմապակու վրա, հայհոյել ավտոբուսի վարորդին․ վերջինը կիթառով հարվածել է նրան
Հասարակություն
19.06.2024 | 19:13
Հունիսի 14-ին արտակարգ դեպք է տեղի ունեցել 35 երթուղին սպասարկող ավտոբուսում։ Երևանի քաղաքապետարանից Factor.am-ին հայտնում են, որ ուղևորը հարբած վիճակում բարձրացել է ավտոբուս, շուրջ 30 րոպե վիճել ուղևորների հետ։
«Վարորդը փորձել է միջամտել, որն ավելի վատ հետևանք է ունեցել։ Ուղևորը սկսել է սեռական բնույթի հայհոյանքներ հնչեցնել վարորդի հասցեին, խփել է նստարաններին, թքել դիմապակու վրա։ Վարորդն ու ուղևորը դուրս են եկել ավտոբուսից, վարորդը կիթառով խփել է ուղևորի գլխին։ Կիթառը, ենթադրաբար, ավտոբուսի մեջ է եղել»,- մանրամասնեցին քաղաքապետարանից։
Երևանի քաղաքապետարանից տեղեկացրին, որ ավտոբուսում տեղադրված տեսախցիկների տեսագրությունները չեն պահպանվել, վստահեցրին, որ վարորդը իր պարտականությունները գերազանցելու համար նկատողություն կստանա։
Արփի Հակոբյան
