08.12.2025 | 16:15
Մեկնարկում է Խաչատրյանի անվան 13-րդ միջազգային փառատոնը
Անլուրջ եմ համարում տվյալ անձնավարության որևէ հայտարարություն մեկնաբանելը․ Հովհաննիսյանը՝ Գալստանյանին
Քաղաքականություն
19.06.2024 | 12:53
«Անլուրջ եմ համարում տվյալ անձնավարության որևէ հայտարարություն մեկնաբանելը»,- այսպես Factor.am-ի հետ զրույցում արձագանքեց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանն՝ անդրադառնալով «Տավուշը հանուն հայրենիքի շարժման» առաջնորդ Բագրատ արքեպիսկոպոս Գալստանյանի այն հայտարարությանը, թե դատական գործընթաց են սկսելու ՔՊ խմբակցության քարտուղար Արթուր Հովհաննիսյանի դեմ իր հայտարարությունների համար։
Նշենք, որ այսօր հրավիրված մամուլի ասուլիսի ժամանակ «Տավուշը հանուն հայրենիքի» շարժման առաջնորդ Բագրատ արքեպիսկոպոս Գալստանյանը տեղեկացրել էր, որ դատական գործընթաց են սկսելու ՔՊ խմբակցության քարտուղար Արթուր Հովհաննիսյանի դեմ իր վերջին հայտարարությունների համար՝ չհստակեցնելով, թե Հովհաննիսյանի որ հայտարարությունները նկատի ունի։
«Ամբողջ շարժման ժամանակահատվածում խորհրդարանը դարձրել են պարզապես հակաքարոզչության միջոց, որ մարդիկ ինքնադրսևորվեն այդ ամբիոնի վրա։ Նրանցից մեկին, նախ փակագծեր չբացեմ, որն ինքն իրեն շատ երևակայել է կյանքում, որոշակի տեղեկություններ կան, վստահ եմ՝ դուք էլ կհաստատեք, որ անցել է նաև թմրանյութերի գործով։ Կարծեմ, անունը Արթուր Հովհաննիսյան է։ Այս օրերին դատական գործընթացներ են սկսելու նրա հայտարարությունների դեմ, մանավանդ՝ վերջին»- ասել էր Բագրատ արքեպիսկոպոս Գալստանյանը։
Մանյա Պողոսյան
