29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Թուրքիան շոգ եղանակների ֆոնին պայքարում է անտառային հրդեհների դեմ
Քաղաքականություն
18.06.2024 | 16:56
Թուրքիան պայքարում է մի շարք անտառային հրդեհների դեմ այն պայմաններում, երբ այս տարվա հունիսին ջերմային ալիքը սեզոնային նորմերից շատ բարձր է։ Ամսվա առաջին կեսին ամեն օր միջինը 19 անտառային հրդեհ է բռնկվել երկրի տարբեր շրջանների 19 նահանգներում՝ ըստ պաշտոնական հայտարարությունների, գրում են թուրքական լրատվամիջոցները:
Հրդեհների մեծ մասը գրանցվում են հարավային և հարավ-արևմտյան նահանգներում, որտեղ մեծ թվով զբոսաշրջային հանգստավայրեր կան, ինչպիսիք են Մուղլան, Անթալիան և Իզմիրը: Տուժած նահանգներից են Ադանան, Մերսինը, Մանիսան, Ուշակը, Այդընը և Դենիզլին։
Հարավարևելյան շրջաններում, մասնավորապես, Այնթափում, Բինգյոլում և Մարդինում, ինչպես նաև հյուսիսային շրջաններՈւմ՝ Սինոպը և հյուսիսարևմտյան նահանգներում՝ ներառյալ Ստամբուլը, Չանաքքալեն և Բուրսան, նույնպես անտառային հրդեհների են բախվում։
Գրեթե բոլոր հրդեհները հնարավոր է եղել մեկուսացնել մեկ-երկու օրվա ընթացքում:
Այս արագ արձագանքը զգալի բարելավում է նախորդ տարիների համեմատ, երբ կառավարությունը քննադատության էր ենթարկվում օդային հրդեհաշիջման հնարավորությունների բացակայության պատճառով: Այն ժամանակ կառավարությունն ուներ միայն երեք հրդեհաշիջող ինքնաթիռ և 39 ուղղաթիռներից բաղկացած թիմ օդային արձագանքման համար։ Այդ ժամանակից ի վեր այն ընդլայնել է կարողությունները։ Դիտարկման համար օգտագործվող դրոնները նույնպես ակտիվ դեր են խաղացել անտառային հրդեհների վաղ հայտնաբերման և արդյունավետ միջամտության գործում։
Ըստ երկրի գյուղատնտեսության և անտառային տնտեսության նախարար Իբրահիմ Յումաքլըի՝ 2024 թվականի սկզբից ի վեր Թուրքիայում գրանցվել է 1,551 հրդեհ, այդ թվում՝ 881 անտառային և 670 գյուղատնտեսական։
