09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Իսրայելի վարչապետը հայտարարել է ռազմական կաբինետը լուծարելու մասին
Քաղաքականություն
17.06.2024 | 13:39
Իսրայելի վարչապետ Բենիամին Նեթանյահուն հայտարարել է 2023 թվականի հոկտեմբերի 7-ին պաղեստինյան ՀԱՄԱՍ խմբավորման կողմից Իսրայելի վրա հարձակումից հետո ստեղծված ռազմական կաբինետի լուծարման մասին: Այս մասին հայտնում է The Times of Israel-ը։
Որոշումն ընդունվել է նախարար Բենի Գանցի հրաժարականից հետո։ Ըստ պարբերականի՝ կոալիցիայի փլուզումը սպասելի էր, քանի որ Գանցի փոխարեն ռազմական կաբինետում իրեն ընդգրկել խնդրել է ազգային անվտանգության ծայրահեղ աջ նախարար Իտամար Բեն Գվիրը։
Ակնկալվում է, որ Նեթանյահուն պատերազմի վերաբերյալ մեծ որոշումներ կկայացնի հատուկ հանդիպումների ժամանակ՝ առանց Բեն Գվիրի, իսկ վերջնական հաստատումը կպահանջի անվտանգության ավելի լայն կաբինետի հանդիպում:
Հիշեցնենք, որ Գանցը կոչ էր արել Նեթանյահուին մինչև հունիսի 8-ը հստակ ծրագիր մշակել այն մասին, թե ինչ է նախատեսում անել իր նախարարների կաբինետը Գազայում: Ինչպես և ակնկալվում էր՝ պատասխան չստանալով՝ նախարարը հայտարարել է հրաժարականի մասին։ Իր հայտարարության մեջ նա հստակ նշել է, որ աջակցում է ԱՄՆ նախագահ Ջո Բայդենի՝ ավելի վաղ առաջարկված խաղաղության ծրագրին՝ ասելով, որ պատանդների վերադարձն «իշխանության պահպանումից վեր» է դասում։ Նա նաև կոչ էր արել արտահերթ ընտրություններ անցկացնել։
