25.06.2026 | 12:37
Ելակն անսովոր բարձր գին ունի, թանկացել են ծիրանը, կեռասը․ Փաշինյանը Պապոյանից պարզաբանում պահանջեց․ ՏԵՍԱՆՅՈՒԹ
ՊԵԿ նախագահը շուրջ 9 մլն դրամ է ստացել հարսանիքի հյուրերից․ ինչ է հայտարարագրել Ռուստամ Բադասյանը
Հասարակություն
17.06.2024 | 11:33
ՀՀ պետական եկամուտների կոմիտեի նախագահ Ռուստամ Բադասյանը 2023 թվականին 4 մլն 340 հազար դրամ, 5300 դոլար և 950 եվրո է ստացել որպես նվեր հարսանիքի հյուրերից։ Այս մասին տեղեկանում ենք նրա 2023 թվականի հայտարարագրից։
Տարվա ընթացքում նա 23 մլն 377 հազար դրամ աշխատավարձ է ստացել Պետեկամուտների կոմիտեից, ինչպես նաև 4 մլն 900 հազար դրամ այլ եկամուտ՝ կրկին Պետական եկամուտների կոմիտեից։ Բադասյանը ունի 1 բնակարան միանձնյա, գնումը կատարել է 2020 թվականին։
Նա շուրջ 35 մլն դրամ հիփոթեքային վարկ ունի, տարվա ընթացքում շուրջ 6,4 մլն դրամ է տրամադրել վարկի մարման համար։ Տարվա վերջում նա իր բանկային հաշիվների վրա ունեցել է շուրջ 1 մլն 431 հազար դրամ, 259 դոլար և 35 եվրո գումար, էլեկտրոնային հաշվին ունեցել է 25 000 դրամ, կանխիկ գումար չի ունեցել։
2023 թվականին նա շուրջ 5 մլն 314 հազար դրամ ծախսել է հանգստի վրա, 4 մլն 600 հազար դրամ էլ այլ միանվագ ծախս է կատարել, որի բովանդակությունը, սակայն, պաշտպանված է։
Անժելա Պողոսյան
