26.06.2026 | 13:31
Քաղաքացին Նիկոլ Փաշինյանի էլ-փոստին ընտրակաշառք տալու առաջարկ է ուղարկել. նախաձեռնվել է քրեական վարույթ
ԵՄ-ն բարձր է գնահատել մուտքի արտոնագրերի ազատականացման գործընթացի նախապատրաստման նպատակով կարողությունների ամրապնդումը
Հասարակություն
15.06.2024 | 19:54
Հունիսի 11-ին և 12-ին Երևանում տեղի է ունեցել ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) շրջանակներում ՀՀ-ԵՄ Գործընկերության կոմիտեի հինգերորդ հանդիպումը: Քննարկվել են Համաձայնագրի իրականացան և ՀՀ-ԵՄ երկկողմ համագործակցության վերաբերյալ հարցեր։
ՀՀ ՆԳՆ-ից տեղեկացնում են, որ Հայաստանը և ԵՄ-ն պայմանավորվել են ակտիվացնել Համապարփակ և ընդլայնված գործընկերության համաձայնագրի իրականացման ուղղությամբ գործադրվող ջանքերը և բացահայտել ամբողջ ներուժը:
«Հանդիպմանը մասնակցել է նաև ՆԳՆ միգրացիայի և քաղաքացիության ծառայության պետ Արմեն Ղազարյանը։
Գործընկերության կոմիտեն վերանայել է օրենքի գերակայության, արդարադատության ոլորտի բարեփոխումների, իրավապահ համակարգի, կոռուպցիայի դեմ պայքարի և մարդու իրավունքների պաշտպանության ոլորտներում զարգացումները:
ԵՄ-ն բարձր է գնահատել արձանագրված առաջընթացը՝ ներառյալ «Եվրոջասթ» գործակալության հետ համագործակցության մասին միջազգային համաձայնագրի ստորագրումը և միգրացիայի ոլորտում կառավարման կարողությունների ամրապնդումը՝ մուտքի արտոնագրերի ազատականացման երկխոսության հնարավոր մեկնարկի նախապատրաստման նպատակով»,- ասված է հաղորդագրության մեջ:
