Հասարակություն
15.06.2024 | 12:31
Նախաձեռնված քրեական վարույթի շրջանակներում 3 հասցեներում խուզարկություններ են կատարվում․ այս մասին Factor.am-ին հայտնեց ՔԿ խոսնակ Գոռ Աբրահամյանը՝ պատասխանելով հարցին՝ արդյոք խուզարկություն է կատարում «GG» տաքսու ծառայության գրասենյակում։
ՔԿ-ից այլ մանրամասներ չհայտնեցին՝ նշելով, որ ավելի ուշ լրացուցիչ տեղեկություններ կփոխանցեն։
Հիշեցնենք, որ համացանցում «GG» տաքսու ծառայության գրասենյակի համահիմնադիր Խաչատուր Գրիգորյանը հետևյալ բովանդակությամբ գրառում էր արել.
«Եթե դու հայ ես, եթե ինձ բարևելուց ուզում ես, որ ես քեզ հարգեմ, քո տեղը Բաղրամյանի վրա է»։
Այս գրառումից հետո ֆեյսբուքում որոշ օգտատերեր ֆլեշմոբ են սկսել՝ կոչ անելով չօգտվել ընկերության ծառայություններից։
