11.08.2026 | 13:00
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
Հնդկաստանը կմասնակցի Խաղաղության գագաթնաժողովին․ Զելենսկի
Քաղաքականություն
14.06.2024 | 18:16
Ուկրաինայի նախագահ Վլադիմիր Զելենսկին հանդիպել է Հնդկաստանի վարչապետ Նարենդրա Մոդիի հետ «Մեծ յոթնյակի» խմբի գագաթնաժողովին մասնակցելու համար Իտալիա այցի ժամանակ։ Այս մասին Ուկրաինայի ղեկավարը հայտնել է Telegram-ում։
«Մենք քննարկել ենք երկկողմ հարաբերությունների զարգացումը և առևտրի ընդլայնումը, մասնավորապես՝ Սևծովյան արտահանման միջանցքի գործունեության համատեքստում, մենք քննարկել ենք գյուղատնտեսության մեջ նոր տեխնոլոգիաների կիրառման փորձի փոխանակման հնարավորությունը»,- գրել է Զելենսկին։
Նրա խոսքով՝ քննարկվել են նաև խաղաղության գլոբալ գագաթնաժողովի նախապատրաստական աշխատանքները և դրա օրակարգային հարցերը։
«Շնորհակալ եմ վարչապետ Նարենդրա Մոդիին՝ գագաթնաժողովին բարձր մակարդակի պատվիրակություն ուղարկելու համար»,- հավելել է Զելենսկին։
