23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Պուտինը հայտարարել է, որ Թուրքիայում կառուցվող «Աքքույու» ԱԷԿ-ը ՌԴ-ին 25 մլրդ դոլար է արժենում
Քաղաքականություն
14.06.2024 | 15:10
Արտերկրում ատոմակայանների կառուցման ռուսական ֆինանսավորումը կազմում է տասնյակ միլիարդավոր դոլարներ, դրանք վերցված են սուվերեն հիմնադրամներից։ Այս մասին հայտարարել է ՌԴ նախագահ Վլադիմիր Պուտինը Գիտության և կրթության հարցերով խորհրդի նիստում, գրում է ՏԱՍՍ-ը։
«25 մլրդ դոլար՝ Թուրքիայում «Աքքույու» ԱԷԿ-ի համար, և այս ամենը՝ Ռուսաստանի հաշվին։ Որպեսզի հասկանալի լինի, դա մեր սուվերեն հիմնադրամներից է։ Դա տնօրինում է Ռոսատոմը։ Ալեքսեյ Լիխաչով՝ ապրե՛ք։ Ապրեք այն իմաստով, որ դա թույլ է տալիս իսկապես զարգացնել տեխնոլոգիաները։ Եվ, հավանաբար, պետության կողմից ֆինանսավորման մակարդակը պետք է լինի այնպիսի տնտեսապես իրագործելի մակարդակի վրա, որը թույլ կտա ոչ միայն իրականացնել առկա ծրագրերը, այլև ունենալ առաջիկայի պլանավորման հորիզոն»,- ասել է Պուտինը։
Նշենք, որ թուրքական առաջին ատոմակայանը կառուցում է ռուսական «Ռոսատոմ» ընկերությունը։ Ռուսաստանի ու Թուրքիայի միջև Մերսինում «Աքքույու» ատոմակայանի կառուցման, շահագործման մասին համաձայնագիրը ստորագրվել է 2010 թվականին։ Թուրքական առաջին ԱԷԿ-ի ծրագիրը ներառում է 4 էներգաբլոկ՝ 4800 մեգավատտ հզորությամբ ВВЭР-1200 ռեակտորներով։
Անցյալ տարի ապրիլին Թուրքիայի և Ռուսաստանի նախագահներ Ռեջեփ Թայիփ Էրդողանն ու Վլադիմիր Պուտինը տեսակապով մասնակցել էին «Աքքույու» ատոմակայանում միջուկային վառելիքի բեռնման արարողությանը։
