07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
ՆԱՏՕ-ի գլխավոր քարտուղարը հայտարարել է, որ ԱՄՆ-ը պետք է ավելի շատ զենք գնի Ուկրաինայի համար
Քաղաքականություն
14.06.2024 | 13:30
ԱՄՆ-ը պետք է ապահովի ՆԱՏՕ-ի՝ Ուկրաինային սպառազինությունների գնման հիմնադրամի միջոցների կեսը։ Այս հիմնադրամի ծավալը պետք է կազմի տարեկան 40 մլրդ դոլար։ Այս մասին մամուլի ասուլիսում հայտարարել է ՆԱՏՕ-ի գլխավոր քարտուղար Յենս Ստոլտենբերգը։
Նա նշել է, որ հունիսի 14-ին ՆԱՏՕ-ն պետք է հաստատի Ուկրաինային զենքի մատակարարման հստակ պլանը։
«Դրա ծավալը կկազմի տարեկան 40 միլիարդ դոլար, այդ հիմնադրամներում ներդրումները պետք է համահունչ լինեն ՀՆԱ-ին։ ԱՄՆ-ի ՀՆԱ-ն կազմում է ՆԱՏՕ-ի անդամ երկրների ընդհանուր ՀՆԱ-ի կեսը, այդ պատճառով ԱՄՆ-ն ապահովում է այդ հիմնադրամի կեսը, իսկ մնացած միջոցները կտրամադրեն Կանադան ու եվրոպական երկրները»,- ասել է Ստոլտենբերգը։
Ավելի վաղ ԱՄՆ նախագահ Ջո Բայդենը Փարիզում Վլադիմիր Զելենսկիի հետ բանակցությունների ժամանակ հայտարարել էր Ուկրաինային 225 միլիոն դոլարի չափով օգնության նոր փաթեթի մասին։ Նա նաև ներողություն է խնդրել, որ ԱՄՆ-ը մի քանի ամսով հետաձգել է ռազմական օգնության փոխանցումը։
