07.10.2026 | 12:10
Փաշինյանը՝ ադրբեջանցի զինվորին Բաքվին հանձնելու մասին // ՌԴ-ում ԱՄՆ դեսպանատունը տագնապ է տարածել․ ԼՈՒՐԵՐ
Մալավիի փոխնախագահն ու ինքնաթիռի բոլոր ուղևորները զոհվել են ավիաաղետի հետևանքով
Քաղաքականություն
11.06.2024 | 16:31
Վթարի է ենթարկվել ռազմական ինքնաթիռը, որում գտնվել են Մալավիի փոխնախագահն ու ևս 9 մարդ։ Այն վաղ առավոտյան անհետացել էր ռադարներից։ Նախագահ Լազարուս Չակվերայի գրասենյակից հայտնել էին, որ որոնողական աշխատանքներ են տարվում, սակայն եղանակային պայմանները բարդ են մնում, փոխանցում է Euronews-ը:
51-ամյա փոխնախագահ Սաուլոս Չիլիմայի ինքնաթիռն օդ է բարձրացել մայրաքաղաք Լիլոնգվեից, սակայն 45 րոպե անց չի կարողացել պլանային վայրէջք կատարել Մզուզու միջազգային օդանավակայանում՝ 370 կիլոմետր դեպի հյուսիս: Ինքնաթիռի բեկորները հայտնաբերվել են երկրի հյուսիսում գտնվող լեռնաշղթայում։
Մալավիի նախագահը հայտնել է, որ ինքնաթիռում գտնվող ուղևորներից ոչ ոք ողջ չի մնացել։
Միացյալ Նահանգները, Մեծ Բրիտանիան, Իսրայելը և Նորվեգիան իրենց օգնությունն են առաջարկել ինքնաթիռը որոնելու հարցում, որում եղել են Մալավիայի բարձրաստիճան պաշտոնյաները։
