07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Ուկրաինան կատարել է ԵՄ-ին անդամակցելու բանակցությունները սկսելու բոլոր պահանջները. Ուրսուլա ֆոն դեր Լեյեն
Քաղաքականություն
11.06.2024 | 16:41
Եվրահանձնաժողովի ղեկավար Ուրսուլա ֆոն դեր Լեյենը Ուկրաինայի վերականգնմանը նվիրված համաժողովում հաստատել է, որ Կիևն ավարտել է բոլոր անհրաժեշտ քայլերը՝ ԵՄ-ին անդամակցելու շուրջ բանակցությունները մինչև հունիսի վերջ սկսելու համար, հայտնում է «Украинская правда»-ն։
«Ուկրաինան ավարտել է բոլոր այն քայլերը, որոնք մենք սահմանել ենք։ Այդ պատճառով մենք կարծում ենք, որ ԵՄ-ն պետք է սկսի Կիևի հետ անդամակցության բանակցությունները մինչև այս ամսվա վերջ»,- ասել է Եվրահանձնաժողովի ղեկավարը։
Հունիսի 7-ին Եվրահանձնաժողովը դրական է գնահատել Ուկրաինայում և Մոլդովայում իրականացվող բարեփոխումների առաջընթացը, որոնք անհրաժեշտ են ԵՄ-ին այդ երկրների անդամակցության շուրջ բանակցությունները սկսելու համար։
Այնուամենայնիվ, Հունգարիայի առարկությունների պատճառով ԵՄ-ին Ուկրաինայի անդամակցության շուրջ բանակցություններ սկսելու որոշում չի կարող կայացվել ԵՄ դեսպանների հանդիպման ժամանակ:
«Հունգարիան կրկին հիշել է 11 հարցերը, ընթերցել երկու ուղղում բարիդրացիական հարաբերությունների և ազգային փոքրամասնությունների վերաբերյալ բանակցային շրջանակում՝ նշելով, որ մենք (ԵՄ-ն) նաև պետք է առաջ շարժվենք Սերբիայի և Ալբանիայի հետ։ Բանավեճում մնացածները, բացի Հունգարիայից, բարձրաձայն և հստակորեն պաշտպանել ենք Հանձնաժողովի գնահատականը և մերժել ենք նոր պահանջների ներկայացումը։ Բոլորս կողմ ենք հունիսի 25-ին միջկառավարական համաժողովի անցկացմանը»,- «Ինտերֆաքս-Ուկրաինա»-ին ասել է եվրոպացի անանուն դիվանագետը:
