Արցախյան 44-օրյա պատերազմի մասնակիցների շրջանում ինքնասպանությունները տագնապալի են․ Ադրբեջանի ընդդիմադիր կուսակցությունն անհապաղ քայլերի կոչ է անում

Լուրեր

21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
Բոլորը

Ադրբեջանի ընդդիմադիր «Մուսավաթ» կուսակցությունը նախօրեին հրավիրված նիստում քննարկել է մի շարք հրատապ հարցեր, այդ թվում՝ Արցախյան 44-օրյա պատերազմի մասնակիցների շրջանում ինքնասպանությունների տագնապալի միտումը, գրում են տեղական լրատվամիջոցները։

Նիստին հատկապես լուրջ քննարկման թեմա է դարձել Արցախյան պատերազմի մասնակիցներ Ադալեթ Իսմայիլովի և Միրջավիդ Բեդիրովի՝ սոցիալական ծանր խնդիրների պատճառով ինքնասպանությունները։ «Մուսավաթ» կուսակցությունն իշխանություններին կոչ է արել համալիր միջոցներ ձեռնարկել նրանց խնդիրները լուծելու համար։ Կուսակցությունն ընդգծել է անհատների, հատկապես՝ երկրին ծառայած անձանց կոչերին ու կարիքներին զգայուն և արդյունավետ արձագանքելու անհրաժեշտությունը: Կուսակցությունն իշխանություններին վճռական կոչ է արել անհապաղ և բովանդակալից քայլեր ձեռնարկել «այդ դժբախտ իրադարձությունների բուն պատճառները հասկանալու և լուծելու համար»:

Կուսակցությունը քննարկել է նաև Ադրբեջանում արտահերթ խորհրդարանական ընտրությունների հնարավորությունը՝ ընդգծելով մանրամասն նախապատրաստման անհրաժեշտությունը։

Հանդիպմանը դիտարկվել են Եվրախորհրդարանի վերջին ընտրությունները։ Մտահոգություն է հնչել Ֆրանսիայում և Գերմանիայում ծայրահեղ ազգայնական ուժերի ազդեցության աճի կապակցությամբ։ «Մուսավաթ» կուսակցությունը գոհունակությամբ նշել է, որ իրենց դաշնակիցը՝ Եվրոպական Լիբերալ-դեմոկրատական ​​միությունը (ALDE խումբ), ընտրություններում զբաղեցրել է երրորդ տեղը։

Բացի այդ, «Մուսավաթ» կուսակցությունը մեկնաբանել է նախագահ Իլհամ Ալիևի՝ եվրաինտեգրման դեմ վերջին հայտարարությունները։ Կուսակցությունը հաստատել է իր հավատարմությունը եվրաինտեգրմանը՝ ընդգծելով, որ դա համապատասխանում է Ադրբեջանի ազգային շահերին և սահմանադրական արժեքներին։

Հավելենք, որ Արցախի դեմ սանձազերծված 44-օրյա պատերազմի ադրբեջանցի մասնակիցների շրջանում ինքնասպանության դեպքերը, ըստ տարբեր տեղեկությունների, գերազանցում են 80-ը։ Նրանք կյանքին վերջ են տվել հիմնականում ինքնահրկիզման, կախվելու միջոցով, 50-ից ավելին էլ ինքնասպանության փորձ է կատարել։ Վերջին դեպքը տեղի է ունեցել հունիսի 6-ին: Դաշքեսանում Չիրաղլի գյուղի բնակիչ 28-ամյա Ադալեթ Իսմայիլովը բենզին էր լցրել իր վրա ու ինքնահրկիզվել։ Իսմայիլովին ծանր վիճակում տեղափոխել էին Բաքու։ Տեղի հիվանդանոցներից մեկում նա մահացել է։

Էմմա Չոբանյան