06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
«Ես կկրակեի, եթե 200 մահապարտներով մտնեն ԱԺ՝ նոր հոկտեմբերի 27 սարքելու»․ Հովիկ Աղազարյան․ ՏԵՍԱՆՅՈՒԹ
Քաղաքականություն
11.06.2024 | 16:10
ՀՀ ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը համոզված է, որ Բագրատ արքեպիսկոպոս Գալստանյանի ղեկավարած ընդդիմադիր շարժումը չի կարողանալու հասնել իշխանափոխության։
Նախօրեին Գալստանյանը հայտարարեց, թե մտնում են վճռորոշ փուլ և չորս օրվա ընթացքում պետք է հասնեն կառավարության ու Նիկոլ Փաշինյանի հեռացմանը՝ պատրաստակամություն հայտնելով քննարկել նաև քաղաքական այլ լուծումներ։ Հունիսի 17-ին ԱԺ արտահերթ նիստ է հրավիրվել։ Հովիկ Աղազարյանը Factor TV-ի հետ զրույցում ասում է, որ թեև ընդդիմությունը արտահերթ նիստ է հրավիրել, բայց այն չի կայանա, քանի որ ՔՊ-ական պատգամավորները չեն մասնակցի նիստին։
«Ընդդիմության սցենարն է, որ վաղն ամբոխը մտնի Ազգային ժողովի շենք, Աղվան Վարդանյանի ասած 200 մահապարտն իր սև գործն անեն՝ զինված հեղաշրջում տեղի ունենա։ Ընդդիմությունը նոր Հոկտեմբերի 27 անելու ուժեր է գեներացնում։ Չհամարձակվե՛ք 10-20,000 հոգով գրոհել ԱԺ-ի շենքը, գրոհել ՀՀ-ի անկախությունը, երկրի ապագան»,- ասաց իշխանական պատգամավորը։
Այս օրերին քննարկվող հարցերից մեկն այն է՝ արդյո՞ք բախումների վտանգ կա, հատկապես, որ օրերս տեսանք՝ ինչպես էր ցուցարարների և ոստիկանների միջև մթնոլորտը բավականին լարված։
Իշխանական պատգամավորին հարց ուղղեցինք՝ ՔՊ-ական իշխանությունն արյուն կհեղի՞, եթե ԱԺ-ի շենքը գրոհի ենթարկվի։
«Իսկ ո՞րն է արյուն հեղելը․ ես կկրակեի, եթե 200 հոգով մտնեն ԱԺ՝ նոր Հոկտեմբերի 27 սարքելու, բայց քաղաքացին սադրանքի չի տրվում, կրիտիկական վիճակ չի ստեղծվում, որ կարողանան սև ուժերն իրենց ծրագիրն իրականացնել»,- ասաց Աղազարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
